gitA 12
atha dvAdasho .adhyAyaH

arjuna uvAcha 
evaM satata yuktA ye
bhaktAs tvAM paryu pAsate 
ye chAp yaxara mavyaktaM
teShAM ke yoga vittamAH 12-1

shrI bhagavA nuvAcha 
mayyA veshya mano ye mAM
nitya yuktA upAsate 
shraddhayA parayo petAH
te me yukta tamA matAH 12-2

yetva xara manir deshyaM
avyaktaM paryu pAsate 
sarva traga machiM tyaMcha
kUTasthaM achalaM dhruvam 12-3

saMniyam yendriya grAmaM
sarvatra sama buddhayaH 
te prApnu vanti mAmeva
sarva bhUta hite ratAH 12-4

klesho .adhikataras teShAM
avyaktA sakta chetasAm 
avyaktAhi gatir duHkhaM
deha vadbhir avApyate 12-5

ye tu sarvANi karmANi
mayi saMnyasya matparAH 
anan yenaiva yogena
mAM dhyAyanta upAsate 12-6

teShA mahaM samud dhartA
mR^ityu saMsAra sAgarAt 
bhavAmi na chirAt pArtha
mayyA veshita chetasAm 12-7

mayyeva mana Adhatsva
mayi buddhiM niveshaya 
niva siShyasi mayyeva
ata UrdhvaM na saMshayaH 12-8

atha chittaM samA dhAtuM
na shaknoShi mayi sthiram 
abhyAsa yogena tataH
mAmich chhAptuM dhanaMjaya 12-9

abhyAse .apya samartho.asi
matkarma paramo bhava 
madar thamapi karmANi
kurvan siddhi mavApsyasi 12-10

athaita dapya shakto.asi
kartuM madyoga mAshritaH 
sarva karma phala tyAgaM
tataH kuru yatAtmavAn 12-11

shreyo hi GYAna mabhyAsAt
GYAnAd dhyAnaM vishiShyate 
dhyAnAt karma phala tyAgaH
tyAgAch chhAMti ranantaram 12-12

adveShTA sarva bhUtAnAM
maitraH karuNa eva cha 
nirmamo nira ha~NkAraH
sama duHkha sukhaH xamI 12-13

saMtuShTaH satataM yogI
yatAtmA dR^iDha nishchayaH 
mayyarpita mano buddhiH
yo madbhaktaH sa me priyaH 12-14

yasmAnnod vijate lokaH
lokAnnod vijate cha yaH 
harShA marSha bhayod vegaiH
mukto yaHsa chame priyaH 12-15

anapexaH shuchir daxaH
udAsIno gatav yathaH 
sarvA rambha pari tyAgI
yomad bhaktaH same priyaH 12-16

yona hR^iShyati nad veShTi
nasho chati na kA~Nxati 
shubhA shubha pari tyAgI
bhaktimAn yaH same priyaH 12-17

samaH shatrau cha mitre cha
tathA mAnApa mAnayoH 
shItoShNa sukha duHkheShu
samaH sa~Nga vivarjitaH 12-18

tulya nindA stutir maunI
saMtuShTo yena kenachit 
aniketaH sthira matiH
bhakti mAnme priyo naraH 12-19

ye tu dharmyA mR^ita midaM
yathoktaM paryu pAsate 
shradda dhAnA mat paramAH
bhaktAs te.atIva me priyAH 12-20

OM tatsad 
iti shrImad bhagavad gItAsu
upaniShatsu 
brahma vidyAyAM yoga shAstre
shrI kR^iShNArjuna saMvAde
bhakti yogo nAma
dvAdasho .adhyAyaH