atha prathamo.adhyAyaH.  (arjunaviShAdayogaH)

dhR^itarAShTra uvAcha .

dharma xetre kuruxetre samavetA yuyutsavaH .
mAmakAH pANDavAshchaiva kimakurvata saMjaya .1-1.

saMjaya uvAcha .

dR^iSh{}TvA tu pANDavAnIkaM vyUDhaM duryodhanastadA .
AchAryamupasaMgamya rAjA vachanamabravIt.h .1-2.

pashyaitAM pANDuputrANAmAchArya mahatIM chamUm.h .
vyUDhAM drupadaputreNa tava shiShyeNa dhImatA .1-3.

atra shUrA maheShvAsA bhImArjunasamA yudhi .
yuyudhAno virATashcha drupadashcha mahArathaH .1-4.

dhR^iShTaketushchekitAnaH kAshirAjashcha vIryavAn.h .
purujitkuntibhojashcha shaibyashcha narapuMgavaH .1-5.

yudhAmanyushcha vikrAnta uttamaujAshcha vIryavAn.h .
saubhadro draupadeyAshcha sarva eva mahArathAH .1-6.

asmAkaM tu vishiShTA ye tAnnibodha dvijottama .
nAyakA mama sainyasya saMGYArthaM tAnbravImi te .1-7.

bhavAnbhIShmashcha karNashcha kR^ipashcha samitiMjayaH .
ashvatthAmA vikarNashcha saumadattistathaiva cha .1-8.

anye cha bahavaH shUrA madarthe tyak{}tajIvitAH .
nAnAshastrapraharaNAH sarve yuddhavishAradAH .1-9.

aparyAp{}taM tadasmAkaM balaM bhIShmAbhiraxitam.h .
paryAp{}taM tvidameteShAM balaM bhImAbhiraxitam.h .1-10.

ayaneShu cha sarveShu yathAbhAgamavasthitAH .
bhIShmamevAbhiraxantu bhavantaH sarva eva hi .1-11.

tasya saMjanayanharShaM kuruvR^iddhaH pitAmahaH .
siMhanAdaM vinadyoch{}chaiH shaN^khaM dadhmau pratApavAn.h .1-12.

tataH shaN^khAshcha bheryashcha paNavAnakagomukhAH .
sahasaivAbhyahanyanta sa shabdastumulo.abhavat.h .1-13.

tataH shvetairhayairyuk{}te mahati syandane sthitau .
mAdhavaH pANDavashchaiva divyau shaN^khau pradaghmatuH .1-14.

pAMchajanyaM hR^iShIkesho devadattaM dhanaMjayaH .
pauNDraM dadhmau mahAshaN^khaM bhImakarmA vR^ikodaraH .1-15.

anaMtavijayaM rAjA kuntIputro yudhiShThiraH .
nakulaH sahadevashcha sughoShamaNipuShpakau .1-16.

kAshyashcha parameShvAsaH shikhaNDI cha mahArathaH .
dhR^iShTadyum{}no virATashcha sAtyakishchAparAjitaH .1-17.

drupado draupadeyAshcha sarvashaH pR^ithivIpate .
saubhadrashcha mahAbAhuH shaN^khAndadhmuH pR^ithakpR^ithak.h .1-18.

sa ghoSho dhArtarAShTrANAM hR^idayAni vyadArayat.h .
nabhashcha pR^ithivIM chaiva tumulo.abhyanunAdayan.h .1-19.

atha vyavasthitAndR^iSh{}TvA dhArtarAShTrAn.h kapidhvajaH .
pravR^itte shastrasaMpAte dhanurudyamya pANDavaH .1-20.

hR^iShIkeshaM tadA vAk{}yamidamAha mahIpate .

arjuna uvAcha .

senayorubhayormadhye rathaM sthApaya me.achyuta .1-21.

yAvadetAnnirixe.ahaM yoddhukAmAnavasthitAn.h .
kairmayA saha yoddhavyamasmin{}raNasamudyame .1-22.

yotsyamAnAnavexe.ahaM ya ete.atra samAgatAH .
dhArtarAShTrasya durbuddheryuddhe priyachikIrShavaH .1-23.

saMjaya uvAcha .

evamuk{}to hR^iShIkesho guDAkeshena bhArata .
senayorubhayormadhye sthApayitvA rathottamam.h .1-24.

bhIShmadroNapramukhataH sarveShAM cha mahIxitAm.h .
uvAcha pArtha pashyaitAnsamavetAnkurUniti .1-25.

tatrApashyatsthitAnpArthaH pitR^inatha pitAmahAn.h .
AchAryAnmAtulAnbhrAtR^inputrAnpautrAnsakhIMstathA .1-26.

shvashurAnsuhR^idashchaiva senayorubhayorapi .
tAnsamIxya sa kaunteyaH sarvAnbandhUnavasthitAn.h .1-27.

kR^ipayA parayAviShTo viShIdannidamabravIt.h .

arjuna uvAcha .

dR^iSh{}TvemaM svajanaM kR^iShNa yuyutsuM samupasthitam.h .1-28.

sIdanti mama gAtrANi mukhaM cha parishuShyati .
vepathushcha sharIre me romaharShashcha jAyate .1-29.

gANDIvaM straMsate hastAttvakchaiva paridahyate .
na cha shak{}nomyavasthAtuM bhramatIva cha me manaH .1-30.

nimittAni cha pashyAmi viparItAni keshava .
na cha shreyo.anupashyAmi hatvA svajanamAhave .1-31.

na kAN^xe vijayaM kR^iShNa na cha rAjyaM sukhAni cha .
kiM no rAjyena govinda kiM bhogairjIvitena vA .1-32.

yeShAmarthe kAN^xitaM no rAjyaM bhogAH sukhAni cha .
ta ime.avasthitA yuddhe prANAMstyak{}tvA dhanAni cha .1-33.

AchAryAH pitaraH putrAstathaiva cha pitAmahAH .
mAtulAH shvashurAH pautrAH shyAlAH sambandhinastathA .1-34.

etAnna hantumich{}chhAmi gh{}nato.api madhusUdana .
api trailok{}yarAjyasya hetoH kiM nu mahIkR^ite .1-35.

nihatya dhArtarAShTrAnnaH kA prItiH syAjanArdana .
pApamevAshrayedasmAnhatvaitAnAtatAyinaH .1-36.

tasmAnnArhA vayaM hantuM dhArtarAShTrAnsvabAndhavAn.h .
svajanaM hi kathaM hatvA sukhinaH syAma mAdhava .1-37.

yadyapyete na pashyanti lobhopahatachetasaH .
kulaxayakR^itaM doShaM mitradrohe cha pAtakam.h .1-38.

kathaM na GYeyamasmAbhiH pApAdasmAnnivartitum.h .
kulaxayakR^itaM doShaM prapashyadbhirjanArdana .1-39.

kulaxaye praNashyanti kuladharmAH sanAtanAH .
dharme naShTe kulaM kR^its{}namadharmo.abhibhavatyuta .1-40.

adharmAbhibhavAtkR^iShNa praduShyanti kulastriyaH .
strIShu duShTAsu vArShNeya jAyate varNasaN^karaH .1-41.

saN^karo narakAyaiva kulagh{}nAnAM kulasya cha .
patanti pitaro hyeShAM lup{}tapiNDodakakriyAH .1-42.

doShairetaiH kulagh{}nAnAM varNasaN^karakArakaiH .
utsAdyante jAtidharmAH kuladharmAshcha shAshvatAH .1-43.

utsannakuladharmANAM manuShyANAM janArdana .
narake niyataM vAso bhavatItyanushushruma .1-44.

aho bata mahatpApaM kartuM vyavasitA vayam.h .
yadrAjyasukhalobhena hantuM svajanamudyatAH .1-45.

yadi mAmapratIkAramashastraM shastrapANayaH .
dhArtarAShTrA raNe hanyustanme xemataraM bhavet.h .1-46.

saMjaya uvAcha .

evamuk{}tvArjunaH saN^khye rathopastha upAvishat.h .
visR^ijya sasharaM chApaM shokasaMvignamAnasaH .1-47.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
arjunaviShAdayogo nAma prathamo.adhyAyaH .1.

\vspace{.0in} \hrule \vspace{.0in}
%2

atha dvitIyo.adhyAyaH.  (sAN^khyayogaH)

saMjaya uvAcha .

taM tathA kR^ipayAviShTamashrupUrNAkulexaNam.h .
viShIdantamidaM vAk{}yamuvAcha madhusUdanaH .2-1.

shrIbhagavAnuvAcha .

kutastvA kashmalamidaM viShame samupasthitam.h .
anAryajuShTamasvargyamakIrtikaramarjuna .2-2.

k{}laibyaM mA sma gamaH pArtha naitattvayyupapadyate .
xudraM hR^idayadaurbalyaM tyak{}tvottiShTha paraMtapa .2-3.

arjuna uvAcha .

kathaM bhIShmamahaM sAN^khye droNaM cha madhusUdana .
iShubhiH pratiyotsyAmi pUjArhAvarisUdana .2-4.

gurUnahatvA hi mahAnubhAvAn.h
shreyo bhok{}tuM bhaixyamapIha loke .
hatvArthakAmAMstu gurunihaiva
bhuJN{}jIya bhogAn.h rudhirapradigdhAn.h .2-5.

na chaitadvidmaH kataranno garIyo
yadvA jayema yadi vA no jayeyuH .
yAneva hatvA na jijIviShAmaH
te.avasthitAH pramukhe dhArtarAShTrAH .2-6.

kArpaNyadoShopahatasvabhAvaH
pR^ich{}chhAmi tvAM dharmasaMmUDhachetAH .
yach{}chhreyaH syAnnishchitaM brUhi tanme
shiShyaste.ahaM shAdhi mAM tvAM prapannam.h .2-7.

na hi prapashyAmi mamApanudyAd.h
yach{}chhokamuch{}chhoShaNamindriyANAm.h .
avApya bhUmAvasapat{}namR^iddhaM
rAjyaM surANAmapi chAdhipatyam.h .2-8.

saMjaya uvAcha .

evamuk{}tvA hR^iShIkeshaM guDAkeshaH paraMtapaH .
na yotsya iti govindamuk{}tvA tUShNIM babhUva ha .2-9.

tamuvAcha hR^iShIkeshaH prahasanniva bhArata .
senayorubhayormadhye viShIdantamidaM vachaH .2-10.

shrIbhagavAnuvAcha .

ashochyAnanvashochastvaM praGYAvAdAMshcha bhAShase .
gatAsUnagatAsUMshcha nAnushochanti paNDitAH .2-11.

natvevAhaM jAtu nAsaM na tvaM neme janAdhipAH .
na chaiva na bhaviShyAmaH sarve vayamataH param.h .2-12.

dehino.asminyathA dehe kaumAraM yauvanaM jarA .
tathA dehAntaraprAp{}tirdhIrastatra na muhyati .2-13.

mAtrAsparshAstu kaunteya shItoShNasukhaduHkhadAH .
AgamApAyino.anityAstAMstitixasva bhArata .2-14.

yaM hi na vyathayantyete puruShaM puruSharShabha .
samaduHkhasukhaM dhIraM so.amR^itatvAya kal{}pate .2-15.

nAsato vidyate bhAvo nAbhAvo vidyate sataH .
ubhayorapi dR^iShTo.antastvanayostattvadarshibhiH .2-16.

avinAshi tu tadviddhi yena sarvamidaM tatam.h .
vinAshamavyayasyAsya na kashchitkartumarhati .2-17.

antavanta ime dehA nityasyok{}tAH sharIriNaH .
anAshino.aprameyasya tasmAdyudhyasva bhArata .2-18.

ya enaM vetti hantAraM yashchainaM manyate hatam.h
ubhau tau na vijAnIto nAyaM hanti na hanyate .2-19.

na jAyate mriyate vA kadAchin.h
nAyaM bhUtvA bhavitA vA na bhUyaH .
ajo nityaH shAshvato.ayaM purANo
na hanyate hanyamAne sharIre .2-20.

vedAvinAshinaM nityaM ya enamajamavyayam.h .
kathaM sa puruShaH pArtha kaM ghAtayati hanti kam.h .2-21.

vAsAMsi jIrNAni yathA vihAya
navAni gR^ihNAti naro.aparANi .
tathA sharIrANi vihAya jIrNAni
anyAni saMyAti navAni dehI .2-22.

nainaM chhindanti shastrANi nainaM dahati pAvakaH .
na chainaM k{}ledayantyApo na shoShayati mArutaH .2-23.

ach{}chhedyo.ayamadAhyo.ayamak{}ledyo.ashoShya eva cha .
nityaH sarvagataH sthANurachalo.ayaM sanAtanaH .2-24.

avyak{}to.ayamachintyo.ayamavikAryo.ayamuchyate .
tasmAdevaM viditvainaM nAnushochitumarhasi .2-25.

atha chainaM nityajAtaM nityaM vA manyase mR^itam.h .
tathApi tvaM mahAbAho naivaM shochitumarhasi .2-26.

jAtasya hi dhruvo mR^ityurdhruvaM janma mR^itasya cha .
tasmAdaparihArye.arthe na tvaM shochitumarhasi .2-27.

avyak{}tAdIni bhUtAni vyak{}tamadhyAni bhArata .
avyak{}tanidhanAnyeva tatra kA paridevanA .2-28.

Ashcharyavatpashyati kashchidenam.h
Ashcharyavadvadati tathaiva chAnyaH .
Ashcharyavach{}chainamanyaH shR^iNoti
shrutvA.apyenaM veda na chaiva kashchit.h .2-29.

dehI nityamavadhyo.ayaM dehe sarvasya bhArata .
tasmAtsarvANi bhUtAni na tvaM shochitumarhasi .2-30.

svadharmamapi chAvexya na vikampitumarhasi .
dharmyAddhi yuddhAch{}chhreyo.anyatxatriyasya na vidyate .2-31.

yadR^ich{}chhayA chopapannaM svargadvAramapAvR^itam.h .
sukhinaH xatriyAH pArtha labhante yuddhamIdR^isham.h .2-32.

atha chettvamimaM dharmyaM saMgrAmaM na kariShyasi .
tataH svadharmaM kIrtiM cha hitvA pApamavApsyasi .2-33.

akIrtiM chApi bhUtAni kathayiShyanti te.avyayAm.h .
saMbhAvitasya chAkIrtirmaraNAdatirichyate .2-34.

bhayAdraNAduparataM maMsyante tvAM mahArathAH .
yeShAM cha tvaM bahumato bhUtvA yAsyasi lAghavam.h .2-35.

avAchyavAdAMshcha bahUnvadiShyanti tavAhitAH .
nindantastava sAmarthyaM tato duHkhataraM nu kim.h .2-36.

hato vA prApsyasi svargaM jitvA vA bhoxyase mahIm.h .
tasmAduttiShTha kaunteya yuddhAya kR^itanishchayaH .2-37.

sukhaduHkhe same kR^itvA lAbhAlAbhau jayAjayau .
tato yuddhAya yujyasva naivaM pApamavApsyasi .2-38.

eShA te.abhihitA sAN^khye buddhiryoge tvimAM shR^iNu .
bud.hdhyA yuk{}to yayA pArtha karmabandhaM prahAsyasi .2-39.

nehAbhikramanAsho.asti pratyavAyo na vidyate .
sval{}pamapyasya dharmasya trAyate mahato bhayAt.h .2-40.

vyavasAyAtmikA buddhirekeha kurunandana .
bahushAkhA hyanantAshcha buddhayo.avyavasAyinAm.h .2-41.

yAmimAM puShpitAM vAchaM pravadantyavipashchitaH .
vedavAdaratAH pArtha nAnyadastIti vAdinaH .2-42.

kAmAtmAnaH svargaparA janmakarmaphalapradAm.h .
kriyAvisheShabahulAM bhogaishvaryagatiM prati .2-43.

bhogaishvaryaprasak{}tAnAM tayApahR^itachetasAm.h .
vyavasAyAtmikA buddhiH samAdhau na vidhIyate .2-44.

traiguNyaviShayA vedA nistraiguNyo bhavArjuna .
nirdvandvo nityasattvastho niryogaxema AtmavAn.h .2-45.

yAvAnartha udapAne sarvataH saMp{}lutodake .
tAvAnsarveShu vedeShu brAhmaNasya vijAnataH .2-46.

karmaNyevAdhikAraste mA phaleShu kadAchana .
mA karmaphalaheturbhUrmA te saN^go.astvakarmaNi .2-47.

yogasthaH kuru karmANi saN^gaM tyak{}tvA dhanaMjaya .
sid.hdhyasid.hdhyoH samo bhUtvA samatvaM yoga uchyate .2-48.

dUreNa hyavaraM karma buddhiyogAddhanaMjaya .
buddhau sharaNamanvich{}chha kR^ipaNAH phalahetavaH .2-49.

buddhiyuk{}to jahAtIha ubhe sukR^itaduShkR^ite .
tasmAdyogAya yujyasva yogaH karmasu kaushalam.h .2-50.

karmajaM buddhiyuk{}tA hi phalaM tyak{}tvA manIShiNaH .
janmabandhavinirmuk{}tAH padaM gach{}chhantyanAmayam.h .2-51.

yadA te mohakalilaM buddhirvyatitariShyati .
tadA gantAsi nirvedaM shrotavyasya shrutasya cha .2-52.

shrutivipratipannA te yadA sthAsyati nishchalA .
samAdhAvachalA buddhistadA yogamavApsyasi .2-53.

arjuna uvAcha .

sthitapraGYasya kA bhAShA samAdhisthasya keshava .
sthitadhIH kiM prabhASheta kimAsIta vrajeta kim.h .2-54.

shrIbhagavAnuvAcha .

prajahAti yadA kAmAnsarvAnpArtha manogatAn.h .
AtmanyevAtmanA tuShTaH sthitapraGYastadochyate .2-55.

duHkheShvanudvignamanAH sukheShu vigataspR^ihaH .
vItarAgabhayakrodhaH sthitadhIrmuniruchyate .2-56.

yaH sarvatrAnabhis{}nehastattatprApya shubhAshubham.h .
nAbhinandati na dveShTi tasya praGYA pratiShThitA .2-57.

yadA saMharate chAyaM kUrmo.aN^gAnIva sarvashaH .
indriyANIndriyArthe.abhyastasya praGYA pratiShThitA .2-58.

viShayA vinivartante nirAhArasya dehinaH .
rasavarjaM raso.apyasya paraM dR^iSh{}TvA nivartate .2-59.

yatato hyapi kaunteya puruShasya vipashchitaH .
indriyANi pramAthIni haranti prasabhaM manaH .2-60.

tAni sarvANi saMyamya yuk{}ta AsIta matparaH .
vashe hi yasyendriyANi tasya praGYA pratiShThitA .2-61.

dhyAyato viShayAnpuMsaH saN^gasteShUpajAyate .
saN^gAtsaMjAyate kAmaH kAmAtkrodho.abhijAyate .2-62.

krodhAdbhavati saMmohaH saMmohAtsmR^itivibhramaH .
smR^itibhraMshAd.h buddhinAsho buddhinAshAtpraNashyati .2-63.

rAgadveShavimuk{}taistu viShayAnindriyaishcharan.h .
AtmavashyairvidheyAtmA prasAdamadhigach{}chhati .2-64.

prasAde sarvaduHkhAnAM hAnirasyopajAyate .
prasannachetaso hyAshu buddhiH paryavatiShThate .2-65.

nAsti buddhirayuk{}tasya na chAyuk{}tasya bhAvanA .
na chAbhAvayataH shAntirashAntasya kutaH sukham.h .2-66.

indriyANAM hi charatAM yanmano.anuvidhIyate .
tadasya harati praGYAM vAyurnAvamivAmbhasi .2-67.

tasmAdyasya mahAbAho nigR^ihItAni sarvashaH .
indriyANIndriyArthebhyastasya praGYA pratiShThitA .2-68.

yA nishA sarvabhUtAnAM tasyAM jAgarti saMyamI .
yasyAM jAgrati bhUtAni sA nishA pashyato muneH .2-69.

ApUryamANamachalapratiShThaM
samudramApaH pravishanti yadvat.h .
tadvatkAmA yaM pravishanti sarve
sa shAntimAp{}noti na kAmakAmI .2-70.

vihAya kAmAnyaH sarvAnpumAMshcharati niHspR^ihaH .
nirmamo nirahaN^kAraH sa shAntimadhigach{}chhati .2-71.

eShA brAhmI sthitiH pArtha nainAM prApya vimuhyati .
sthitvAsyAmantakAle.api brahmanirvANamR^ich{}chhati .2-72.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
sAN^khyayogo nAma dvitIyo.adhyAyaH .2.

\vspace{.0in} \hrule \vspace{.0in}
%3

atha tR^itIyo.adhyAyaH.  (karmayogaH)

arjuna uvAcha .

jyAyasI chetkarmaNaste matA buddhirjanArdana .
tatkiM karmaNi ghore mAM niyojayasi keshava .3-1.

vyAmishreNeva vAk{}yena buddhiM mohayasIva me .
tadekaM vada nishchitya yena shreyo.ahamAp{}nuyAm.h .3-2.

shrIbhagavAnuvAcha .

loke.asmin dvividhA niShThA purA prok{}tA mayAnagha .
GYAnayogena sAN^khyAnAM karmayogena yoginAm.h .3-3.

na karmaNAmanArambhAnnaiShkarmyaM puruSho.ashnute .
na cha saMnyasanAdeva siddhiM samadhigach{}chhati .3-4.

na hi kashchitxaNamapi jAtu tiShThatyakarmakR^it.h .
kAryate hyavashaH karma sarvaH prakR^itijairguNaiH .3-5.

karmendriyANi saMyamya ya Aste manasA smaran.h .
indriyArthAnvimUDhAtmA mithyAchAraH sa uchyate .3-6.

yastvindriyANi manasA niyamyArabhate.arjuna .
karmendriyaiH karmayogamasak{}taH sa vishiShyate .3-7.

niyataM kuru karma tvaM karma jyAyo hyakarmaNaH .
sharIrayAtrApi cha te na prasid.hdhyedakarmaNaH .3-8.

yaGYArthAtkarmaNo.anyatra loko.ayaM karmabandhanaH .
tadarthaM karma kaunteya muk{}tasaN^gaH samAchara .3-9.

sahayaGYAH prajAH sR^iSh{}TvA purovAcha prajApatiH .
anena prasaviShyadhvameSha vo.astviShTakAmadhuk.h .3-10.

devAnbhAvayatAnena te devA bhAvayantu vaH .
parasparaM bhAvayantaH shreyaH paramavApsyatha .3-11.

iShTAnbhogAnhi vo devA dAsyante yaGYabhAvitAH .
tairdattAnapradAyaibhyo yo bhuN^k{}te stena eva saH .3-12.

yaGYashiShTAshinaH santo muchyante sarvakilbiShaiH .
bhuJN{}jate te tvaghaM pApA ye pachantyAtmakAraNAt.h .3-13.

annAdbhavanti bhUtAni parjanyAdannasaMbhavaH .
yaGYAdbhavati parjanyo yaGYaH karmasamudbhavaH .3-14.

karma brahmodbhavaM viddhi brahmAxarasamudbhavam.h .
tasmAtsarvagataM brahma nityaM yaGYe pratiShThitam.h .3-15.

evaM pravartitaM chakraM nAnuvartayatIha yaH .
aghAyurindriyArAmo moghaM pArtha sa jIvati .3-16.

yastvAtmaratireva syAdAtmatR^ip{}tashcha mAnavaH .
Atmanyeva cha saMtuShTastasya kAryaM na vidyate .3-17.

naiva tasya kR^itenArtho nAkR^iteneha kashchana .
na chAsya sarvabhUteShu kashchidarthavyapAshrayaH .3-18.

tasmAdasak{}taH satataM kAryaM karma samAchara .
asak{}to hyAcharankarma paramAp{}noti pUruShaH .3-19.

karmaNaiva hi saMsiddhimAsthitA janakAdayaH .
lokasaMgrahamevApi saMpashyankartumarhasi .3-20.

yadyadAcharati shreShThastattadevetaro janaH .
sa yatpramANaM kurute lokastadanuvartate .3-21.

na me pArthAsti kartavyaM triShu lokeShu kiMchana .
nAnavAp{}tamavAp{}tavyaM varta eva cha karmaNi .3-22.

yadi hyahaM na varteyaM jAtu karmaNyatandritaH .
mama vartmAnuvartante manuShyAH pArtha sarvashaH .3-23.

utsIdeyurime lokA na kuryAM karma chedaham.h .
saN^karasya cha kartA syAmupahanyAmimAH prajAH .3-24.

sak{}tAH karmaNyavidvAMso yathA kurvanti bhArata .
kuryAdvidvAMstathA.asak{}tashchikIrShurlokasaMgraham.h .3-25.

na buddhibhedaM janayedaGYAnAM karmasaN^ginAm.h .
joShayetsarvakarmANi vidvAnyuk{}taH samAcharan.h .3-26.

prakR^iteH kriyamANAni guNaiH karmANi sarvashaH .
ahaN^kAravimUDhAtmA kartAhamiti manyate .3-27.

tattvavittu mahAbAho guNakarmavibhAgayoH .
guNA guNeShu vartanta iti matvA na saj{}jate .3-28.

prakR^iterguNasaMmUDhAH saj{}jante guNakarmasu .
tAnakR^its{}navido mandAnkR^its{}navinna vichAlayet.h .3-29.

mayi sarvANi karmANi saMnyasyAdhyAtmachetasA .
nirAshIrnirmamo bhUtvA yudhyasva vigatajvaraH .3-30.

ye me matamidaM nityamanutiShThanti mAnavAH .
shraddhAvanto.anasUyanto muchyante te.api karmabhiH .3-31.

ye tvetadabhyasUyanto nAnutiShThanti me matam.h .
sarvaGYAnavimUDhAMstAnviddhi naShTAnachetasaH .3-32.

sadR^ishaM cheShTate svasyAH prakR^iterGYAnavAnapi .
prakR^itiM yAnti bhUtAni nigrahaH kiM kariShyati .3-33.

indriyasyendriyasyArthe rAgadveShau vyavasthitau .
tayorna vashamAgach{}chhettau hyasya paripanthinau .3-34.

shreyAnsvadharmo viguNaH paradharmAtsvanuShThitAt.h .
svadharme nidhanaM shreyaH paradharmo bhayAvahaH .3-35.

arjuna uvAcha .

atha kena prayuk{}to.ayaM pApaM charati pUruShaH .
anich{}chhannapi vArShNeya balAdiva niyojitaH .3-36.

shrIbhagavAnuvAcha .

kAma eSha krodha eSha rajoguNasamudbhavaH .
mahAshano mahApApmA vid.hdhyenamiha vairiNam.h .3-37.

dhUmenAvriyate vahniryathAdarsho malena cha .
yatholbenAvR^ito garbhastathA tenedamAvR^itam.h .3-38.

AvR^itaM GYAnametena GYAnino nityavairiNA .
kAmarUpeNa kaunteya duShpUreNAnalena cha .3-39.

indriyANi mano buddhirasyAdhiShThAnamuchyate .
etairvimohayatyeSha GYAnamAvR^itya dehinam.h .3-40.

tasmAttvamindriyANyAdau niyamya bharatarShabha .
pApmAnaM prajahi hyenaM GYAnaviGYAnanAshanam.h .3-41.

indriyANi parANyAhurindriyebhyaH paraM manaH .
manasastu parA buddhiryo buddheH paratastu saH .3-42.

evaM buddheH paraM buddhvA saMstabhyAtmAnamAtmanA .
jahi shatruM mahAbAho kAmarUpaM durAsadam.h .3-43.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
karmayogo nAma tR^itIyo.adhyAyaH .3.

\vspace{.0in} \hrule \vspace{.0in}
%4

atha chaturtho.adhyAyaH.  (GYAnakarmasaMnyAsayogaH)

shrIbhagavAnuvAcha .

imaM vivasvate yogaM prok{}tavAnahamavyayam.h .
vivasvAnmanave prAha manurixvAkave.abravIt.h .4-1.

evaM paramparAprAp{}tamimaM rAjarShayo viduH .
sa kAleneha mahatA yogo naShTaH paraMtapa .4-2.

sa evAyaM mayA te.adya yogaH prok{}taH purAtanaH .
bhak{}to.asi me sakhA cheti rahasyaM hyetaduttamam.h .4-3.

arjuna uvAcha .

aparaM bhavato janma paraM janma vivasvataH .
kathametadvijAnIyAM tvamAdau prok{}tavAniti .4-4.

shrIbhagavAnuvAcha .

bahUni me vyatItAni janmAni tava chArjuna .
tAnyahaM veda sarvANi na tvaM vettha paraMtapa .4-5.

ajo.api sannavyayAtmA bhUtAnAmIshvaro.api san.h .
prakR^itiM svAmadhiShThAya saMbhavAmyAtmamAyayA .4-6.

yadA yadA hi dharmasya glAnirbhavati bhArata .
abhyutthAnamadharmasya tadAtmAnaM sR^ijAmyaham.h .4-7.

paritrANAya sAdhUnAM vinAshAya cha duShkR^itAm.h .
dharmasaMsthApanArthAya saMbhavAmi yuge yuge .4-8.

janma karma cha me divyamevaM yo vetti tattvataH .
tyak{}tvA dehaM punarjanma naiti mAmeti so.arjuna .4-9.

vItarAgabhayakrodhA manmayA mAmupAshritAH .
bahavo GYAnatapasA pUtA madbhAvamAgatAH .4-10.

ye yathA mAM prapadyante tAMstathaiva bhajAmyaham.h .
mama vartmAnuvartante manuShyAH pArtha sarvashaH .4-11.

kAN^xantaH karmaNAM siddhiM yajanta iha devatAH .
xipraM hi mAnuShe loke siddhirbhavati karmajA .4-12.

chAturvarNyaM mayA sR^iShTaM guNakarmavibhAgashaH .
tasya kartAramapi mAM vid.hdhyakartAramavyayam.h .4-13.

na mAM karmANi limpanti na me karmaphale spR^ihA .
iti mAM yo.abhijAnAti karmabhirna sa badhyate .4-14.

evaM GYAtvA kR^itaM karma pUrvairapi mumuxubhiH .
kuru karmaiva tasmAttvaM pUrvaiH pUrvataraM kR^itam.h .4-15.

kiM karma kimakarmeti kavayo.apyatra mohitAH .
tatte karma pravaxyAmi yajGYAtvA moxyase.ashubhAt.h .4-16.

karmaNo hyapi boddhavyaM boddhavyaM cha vikarmaNaH .
akarmaNashcha boddhavyaM gahanA karmaNo gatiH .4-17.

karmaNyakarma yaH pashyedakarmaNi cha karma yaH .
sa buddhimAnmanuShyeShu sa yuk{}taH kR^its{}nakarmakR^it.h .4-18.

yasya sarve samArambhAH kAmasaN^kal{}pavarjitAH .
GYAnAgnidagdhakarmANaM tamAhuH paNDitaM budhAH .4-19.

tyak{}tvA karmaphalAsaN^gaM nityatR^ip{}to nirAshrayaH .
karmaNyabhipravR^itto.api naiva kiMchitkaroti saH .4-20.

nirAshIryatachittAtmA tyak{}tasarvaparigrahaH .
shArIraM kevalaM karma kurvannAp{}noti kilbiSham.h .4-21.

yadR^ich{}chhAlAbhasaMtuShTo dvandvAtIto vimatsaraH .
samaH siddhAvasiddhau cha kR^itvApi na nibadhyate .4-22.

gatasaN^gasya muk{}tasya GYAnAvasthitachetasaH .
yaGYAyAcharataH karma samagraM pravilIyate .4-23.

brahmArpaNaM brahma haviH brahmAgnau brahmaNA hutam.h .
brahmaiva tena gantavyaM brahma karma samAdhinA .4-24.

daivamevApare yaGYaM yoginaH paryupAsate .
brahmAgnAvapare yaGYaM yaGYenaivopajuhvati .4-25.

shrotrAdInIndriyANyanye saMyamAgniShu juhvati .
shabdAdInviShayAnanya indriyAgniShu juhvati .4-26.

sarvANIndriyakarmANi prANakarmANi chApare .
AtmasaMyamayogAgnau juhvati GYAnadIpite .4-27.

dravyayaGYAstapoyaGYA yogayaGYAstathApare .
svAdhyAyaGYAnayaGYAshcha yatayaH saMshitavratAH .4-28.

apAne juhvati prANaM prANe.apAnaM tathApare .
prANApAnagatI ruddhvA prANAyAmaparAyaNAH .4-29.

apare niyatAhArAH prANAnprANeShu juhvati .
sarve.apyete yaGYavido yaGYaxapitakalmaShAH .4-30.

yaGYashiShTAmR^itabhujo yAnti brahma sanAtanam.h .
nAyaM loko.astyayaGYasya kuto.anyaH kurusattama .4-31.

evaM bahuvidhA yaGYA vitatA brahmaNo mukhe .
karmajAnviddhi tAnsarvAnevaM GYAtvA vimoxyase .4-32.

shreyAndravyamayAdyaGYAjGYAnayaGYaH paraMtapa .
sarvaM karmAkhilaM pArtha GYAne parisamApyate .4-33.

tadviddhi praNipAtena pariprashnena sevayA .
upadexyanti te GYAnaM GYAninastattvadarshinaH .4-34.

yajGYAtvA na punarmohamevaM yAsyasi pANDava .
yena bhUtAnyasheShANi draxyasyAtmanyatho mayi .4-35.

api chedasi pApebhyaH sarvebhyaH pApakR^ittamaH .
sarvaM GYAnap{}lavenaiva vR^ijinaM saMtariShyasi .4-36.

yathaidhAMsi samiddho.agnirbhasmasAtkurute.arjuna .
GYAnAgniH sarvakarmANi bhasmasAtkurute tathA .4-37.

na hi GYAnena sadR^ishaM pavitramiha vidyate .
tatsvayaM yogasaMsiddhaH kAlenAtmani vindati .4-38.

shraddhAvA.Nl{}labhate GYAnaM tatparaH saMyatendriyaH .
GYAnaM labdhvA parAM shAntimachireNAdhigach{}chhati .4-39.

aGYashchAshraddadhAnashcha saMshayAtmA vinashyati .
nAyaM loko.asti na paro na sukhaM saMshayAtmanaH .4-40.

yogasaMnyastakarmANaM GYAnasaMchhinnasaMshayam.h .
AtmavantaM na karmANi nibadh{}nanti dhanaMjaya .4-41.

tasmAdaGYAnasaMbhUtaM hR^itsthaM GYAnAsinAtmanaH .
chhittvainaM saMshayaM yogamAtiShThottiShTha bhArata .4-42.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
GYAnakarmasaMnyAsayogo nAma chaturtho.adhyAyaH .4.

\vspace{.0in} \hrule \vspace{.0in}
%5

atha paMchamo.adhyAyaH.  (saMnyAsayogaH)

arjuna uvAcha .

saMnyAsaM karmaNAM kR^iShNa punaryogaM cha shaMsasi .
yach{}chhreya etayorekaM tanme brUhi sunishchitam.h .5-1.

shrIbhagavAnuvAcha .

saMnyAsaH karmayogashcha niHshreyasakarAvubhau .
tayostu karmasaMnyAsAtkarmayogo vishiShyate .5-2.

GYeyaH sa nityasaMnyAsI yo na dveShTi na kAN^xati .
nirdvandvo hi mahAbAho sukhaM bandhAtpramuchyate .5-3.

sAN^khyayogau pR^ithagbAlAH pravadanti na paNDitAH .
ekamapyAsthitaH samyagubhayorvindate phalam.h .5-4.

yatsAN^khyaiH prApyate sthAnaM tadyogairapi gamyate .
ekaM sAN^khyaM cha yogaM cha yaH pashyati sa pashyati .5-5.

saMnyAsastu mahAbAho duHkhamAp{}tumayogataH .
yogayuk{}to munirbrahma nachireNAdhigach{}chhati .5-6.

yogayuk{}to vishuddhAtmA vijitAtmA jitendriyaH .
sarvabhUtAtmabhUtAtmA kurvannapi na lipyate .5-7.

naiva kiMchitkaromIti yuk{}to manyeta tattvavit.h .
pashyaJNshruNvanspR^ishaJN{}jighrannashnaMgach{}chhansvapanshvasan.h .5-8.

pralapanvisR^ijangR^ihNannunmiShannimiShannapi .
indriyANIndriyArtheShu vartanta iti dhArayan.h .5-9.

brahmaNyAdhAya karmANi saN^gaM tyak{}tvA karoti yaH .
lipyate na sa pApena padmapatramivAmbhasA .5-10.

kAyena manasA bud.hdhyA kevalairindriyairapi .
yoginaH karma kurvanti saN^gaM tyak{}tvAtmashuddhaye .5-11.

yuk{}taHkarmaphalaM tyak{}tvA shAntimAp{}noti naiShThikIm.h .
ayuk{}taH kAmakAreNa phale sak{}to nibadhyate .5-12.

sarvakarmANi manasA saMnyasyAste sukhaM vashI .
navadvAre pure dehI naiva kurvanna kArayan.h .5-13.

na kartR^itvaM na karmANi lokasya sR^ijati prabhuH .
na karmaphalasaMyogaM svabhAvastu pravartate .5-14.

nAdatte kasyachitpApaM na chaiva sukR^itaM vibhuH .
aGYAnenAvR^itaM GYAnaM tena muhyanti jantavaH .5-15.

GYAnena tu tadaGYAnaM yeShAM nAshitamAtmanaH .
teShAmAdityavajGYAnaM prakAshayati tatparam.h .5-16.

tad.hbuddhayastadAtmAnastanniShThAstatparAyaNAH .
gach{}chhantyapunarAvR^ittiM GYAnanirdhUtakalmaShAH .5-17.

vidyAvinayasaMpanne brAhmaNe gavi hastini .
shuni chaiva shvapAke cha paNDitAH samadarshinaH .5-18.

ihaiva tairjitaH sargo yeShAM sAmye sthitaM manaH .
nirdoShaM hi samaM brahma tasmAd.h brahmaNi te sthitAH .5-19.

na prahR^iShyetpriyaM prApya nodvijetprApya chApriyam.h .
sthirabuddhirasaMmUDho brahmavid.h brahmaNi sthitaH .5-20.

bAhyasparsheShvasak{}tAtmA vindatyAtmani yatsukham.h .
sa brahmayogayuk{}tAtmA sukhamaxayamashnute .5-21.

ye hi saMsparshajA bhogA duHkhayonaya eva te .
AdyantavantaH kaunteya na teShu ramate budhaH .5-22.

shak{}notIhaiva yaH soDhuM prAk{}sharIravimoxaNAt.h .
kAmakrodhodbhavaM vegaM sa yuk{}taH sa sukhI naraH .5-23.

yo.antaHsukho.antarArAmastathAntarjyotireva yaH .
sa yogI brahmanirvANaM brahmabhUto.adhigach{}chhati .5-24.

labhante brahmanirvANamR^iShayaH xINakalmaShAH .
chhinnadvaidhA yatAtmAnaH sarvabhUtahite ratAH .5-25.

kAmakrodhaviyuk{}tAnAM yatInAM yatachetasAm.h .
abhito brahmanirvANaM vartate viditAtmanAm.h .5-26.

sparshAnkR^itvA bahirbAhyAMshchaxushchaivAntare bhruvoH .
prANApAnau samau kR^itvA nAsAbhyantarachAriNau .5-27.

yatendriyamanobuddhirmunirmoxaparAyaNaH .
vigatech{}chhAbhayakrodho yaH sadA muk{}ta eva saH .5-28.

bhok{}tAraM yaGYatapasAM sarvalokamaheshvaram.h .
suhR^idaM sarvabhUtAnAM GYAtvA mAM shAntimR^ich{}chhati .5-29.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
saMnyAsayogo nAma paMchamo.adhyAyaH .5.

\vspace{.0in} \hrule \vspace{.0in}
%6

atha ShaShTho.adhyAyaH.  (AtmasaMyamayogaH)

shrIbhagavAnuvAcha .

anAshritaH karmaphalaM kAryaM karma karoti yaH .
sa saMnyAsI cha yogI cha na niragnirna chAkriyaH .6-1.

yaM saMnyAsamiti prAhuryogaM taM viddhi pANDava .
na hyasaMnyastasaN^kal{}po yogI bhavati kashchana .6-2.

AruruxormuneryogaM karma kAraNamuchyate .
yogArUDhasya tasyaiva shamaH kAraNamuchyate .6-3.

yadA hi nendriyArtheShu na karmasvanuShaj{}jate .
sarvasaN^kal{}pasaMnyAsI yogArUDhastadochyate .6-4.

uddharedAtmanAtmAnaM nAtmAnamavasAdayet.h .
Atmaiva hyAtmano bandhurAtmaiva ripurAtmanaH .6-5.

bandhurAtmAtmanastasya yenAtmaivAtmanA jitaH .
anAtmanastu shatrutve vartetAtmaiva shatruvat.h .6-6.

jitAtmanaH prashAntasya paramAtmA samAhitaH .
shItoShNasukhaduHkheShu tathA mAnApamAnayoH .6-7.

GYAnaviGYAnatR^ip{}tAtmA kUTastho vijitendriyaH .
yuk{}ta ityuchyate yogI samaloShTAshmakAMchanaH .6-8.

suhR^inmitrAryudAsInamadhyasthadveShyabandhuShu .
sAdhuShvapi cha pApeShu samabuddhirvishiShyate .6-9.

yogI yuJN{}jIta satatamAtmAnaM rahasi sthitaH .
ekAkI yatachittAtmA nirAshIraparigrahaH .6-10.

shuchau deshe pratiShThApya sthiramAsanamAtmanaH .
nAtyuch{}chhritaM nAtinIchaM chailAjinakushottaram.h .6-11.

tatraikAgraM manaH kR^itvA yatachittendriyakriyAH .
upavishyAsane yuJN{}jyAdyogamAtmavishuddhaye .6-12.

samaM kAyashirogrIvaM dhArayannachalaM sthiraH .
saMprexya nAsikAgraM svaM dishashchAnavalokayan.h .6-13.

prashAntAtmA vigatabhIrbrahmachArivrate sthitaH .
manaH saMyamya mach{}chitto yuk{}ta AsIta matparaH .6-14.

yuJN{}jannevaM sadAtmAnaM yogI niyatamAnasaH .
shAntiM nirvANaparamAM matsaMsthAmadhigach{}chhati .6-15.

nAtyashnatastu yogo.asti na chaikAntamanashnataH .
na chAtisvap{}nashIlasya jAgrato naiva chArjuna .6-16.

yuk{}tAhAravihArasya yuk{}tacheShTasya karmasu .
yuk{}tasvap{}nAvabodhasya yogo bhavati duHkhahA .6-17.

yadA viniyataM chittamAtmanyevAvatiShThate .
niHspR^ihaH sarvakAmebhyo yuk{}ta ityuchyate tadA .6-18.

yathA dIpo nivAtastho neN^gate sopamA smR^itA .
yogino yatachittasya yuJN{}jato yogamAtmanaH .6-19.

yatroparamate chittaM niruddhaM yogasevayA .
yatra chaivAtmanAtmAnaM pashyannAtmani tuShyati .6-20.

sukhamAtyantikaM yattad.h buddhigrAhyamatIndriyam.h .
vetti yatra na chaivAyaM sthitashchalati tattvataH .6-21.

yaM labdhvA chAparaM lAbhaM manyate nAdhikaM tataH .
yasminsthito na duHkhena guruNApi vichAlyate .6-22.

taM vidyAd.h duHkhasaMyogaviyogaM yogasaMGYitam.h .
sa nishchayena yok{}tavyo yogo.anirviNNachetasA .6-23.

saN^kal{}paprabhavAnkAmAMstyak{}tvA sarvAnasheShataH .
manasaivendriyagrAmaM viniyamya samantataH .6-24.

shanaiH shanairuparamed.h bud.hdhyA dhR^itigR^ihItayA .
AtmasaMsthaM manaH kR^itvA na kiMchidapi chintayet.h .6-25.

yato yato nishcharati manashchaMchalamasthiram.h .
tatastato niyamyaitadAtmanyeva vashaM nayet.h .6-26.

prashAntamanasaM hyenaM yoginaM sukhamuttamam.h .
upaiti shAntarajasaM brahmabhUtamakalmaSham.h .6-27.

yuJN{}jannevaM sadAtmAnaM yogI vigatakalmaShaH .
sukhena brahmasaMsparshamatyantaM sukhamashnute .6-28.

sarvabhUtasthamAtmAnaM sarvabhUtAni chAtmani .
Ixate yogayuk{}tAtmA sarvatra samadarshanaH .6-29.

yo mAM pashyati sarvatra sarvaM cha mayi pashyati .
tasyAhaM na praNashyAmi sa cha me na praNashyati .6-30.

sarvabhUtasthitaM yo mAM bhajatyekatvamAsthitaH .
sarvathA vartamAno.api sa yogI mayi vartate .6-31.

Atmaupamyena sarvatra samaM pashyati yo.arjuna .
sukhaM vA yadi vA duHkhaM sa yogI paramo mataH .6-32.

arjuna uvAcha .

yo.ayaM yogastvayA prok{}taH sAmyena madhusUdana .
etasyAhaM na pashyAmi chaMchalatvAtsthitiM sthirAm.h .6-33.

chaMchalaM hi manaH kR^iShNa pramAthi balavad.h dR^iDham.h .
tasyAhaM nigrahaM manye vAyoriva suduShkaram.h .6-34.

shrIbhagavAnuvAcha .

asaMshayaM mahAbAho mano durnigrahaM chalam.h .
abhyAsena tu kaunteya vairAgyeNa cha gR^ihyate .6-35.

asaMyatAtmanA yogo duShprApa iti me matiH .
vashyAtmanA tu yatatA shak{}yo.avAp{}tumupAyataH .6-36.

arjuna uvAcha .

ayatiH shraddhayopeto yogAch{}chalitamAnasaH .
aprApya yogasaMsiddhiM kAM gatiM kR^iShNa gach{}chhati .6-37.

kach{}chinnobhayavibhraSh{}TashchhinnAbhramiva nashyati .
apratiShTho mahAbAho vimUDho brahmaNaH pathi .6-38.

etanme saMshayaM kR^iShNa chhettumarhasyasheShataH .
tvadanyaH saMshayasyAsya chhettA na hyupapadyate .6-39.

shrIbhagavAnuvAcha .

pArtha naiveha nAmutra vinAshastasya vidyate .
na hi kalyANakR^itkashchid.h durgatiM tAta gach{}chhati .6-40.

prApya puNyakR^itAM lokAnuShitvA shAshvatIH samAH .
shuchInAM shrImatAM gehe yogabhraShTo.abhijAyate .6-41.

athavA yoginAmeva kule bhavati dhImatAm.h .
etaddhi durlabhataraM loke janma yadIdR^isham.h .6-42.

tatra taM buddhisaMyogaM labhate paurvadehikam.h .
yatate cha tato bhUyaH saMsiddhau kurunandana .6-43.

pUrvAbhyAsena tenaiva hriyate hyavasho.api saH .
jiGYAsurapi yogasya shabdabrahmAtivartate .6-44.

prayat{}nAdyatamAnastu yogI saMshuddhakilbiShaH .
anekajanmasaMsiddhastato yAti parAM gatim.h .6-45.

tapasvibhyo.adhiko yogI GYAnibhyo.api mato.adhikaH .
karmibhyashchAdhiko yogI tasmAdyogI bhavArjuna .6-46.

yoginAmapi sarveShAM madgatenAntarAtmanA .
shraddhAvAnbhajate yo mAM sa me yuk{}tatamo mataH .6-47.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
AtmasaMyamayogo nAma ShaShTho.adhyAyaH .6.

\vspace{.0in} \hrule \vspace{.0in}
%7

atha sap{}tamo.adhyAyaH.  (GYAnaviGYAnayogaH)

shrIbhagavAnuvAcha .

mayyAsak{}tamanAH pArtha yogaM yuJN{}janmadAshrayaH .
asaMshayaM samagraM mAM yathA GYAsyasi tach{}chhR^iNu .7-1.

GYAnaM te.ahaM saviGYAnamidaM vaxyAmyasheShataH .
yajGYAtvA neha bhUyo.anyajGYAtavyamavashiShyate .7-2.

manuShyANAM sahasreShu kashchidyatati siddhaye .
yatatAmapi siddhAnAM kashchinmAM vetti tattvataH .7-3.

bhUmirApo.analo vAyuH khaM mano buddhireva cha .
ahaMkAra itIyaM me bhinnA prakR^itiraShTadhA .7-4.

apareyamitastvanyAM prakR^itiM viddhi me parAm.h .
jIvabhUtAM mahAbAho yayedaM dhAryate jagat.h .7-5.

etadyonIni bhUtAni sarvANItyupadhAraya .
ahaM kR^its{}nasya jagataH prabhavaH pralayastathA .7-6.

mattaH parataraM nAnyatkiMchidasti dhanaMjaya .
mayi sarvamidaM protaM sUtre maNigaNA iva .7-7.

raso.ahamapsu kaunteya prabhAsmi shashisUryayoH .
praNavaH sarvavedeShu shabdaH khe pauruShaM nR^iShu .7-8.

puNyo gandhaH pR^ithivyAM cha tejashchAsmi vibhAvasau .
jIvanaM sarvabhUteShu tapashchAsmi tapasviShu .7-9.

bIjaM mAM sarvabhUtAnAM viddhi pArtha sanAtanam.h .
buddhirbuddhimatAmasmi tejastejasvinAmaham.h .7-10.

balaM balavatAM chAhaM kAmarAgavivarjitam.h .
dharmAviruddho bhUteShu kAmo.asmi bharatarShabha .7-11.

ye chaiva sAttvikA bhAvA rAjasAstAmasAshcha ye .
matta eveti tAnviddhi na tvahaM teShu te mayi .7-12.

tribhirguNamayairbhAvairebhiH sarvamidaM jagat.h .
mohitaM nAbhijAnAti mAmebhyaH paramavyayam.h .7-13.

daivI hyeShA guNamayI mama mAyA duratyayA .
mAmeva ye prapadyante mAyAmetAM taranti te .7-14.

na mAM duShkR^itino mUDhAH prapadyante narAdhamAH .
mAyayApahR^itaGYAnA AsuraM bhAvamAshritAH .7-15.

chaturvidhA bhajante mAM janAH sukR^itino.arjuna .
Arto jiGYAsurarthArthI GYAnI cha bharatarShabha .7-16.

teShAM GYAnI nityayuk{}ta ekabhak{}tirvishiShyate .
priyo hi GYAnino.atyarthamahaM sa cha mama priyaH .7-17.

udArAH sarva evaite GYAnI tvAtmaiva me matam.h .
AsthitaH sa hi yuk{}tAtmA mAmevAnuttamAM gatim.h .7-18.

bahUnAM janmanAmante GYAnavAnmAM prapadyate .
vAsudevaH sarvamiti sa mahAtmA sudurlabhaH .7-19.

kAmaistaistairhR^itaGYAnAH prapadyante.anyadevatAH .
taM taM niyamamAsthAya prakR^ityA niyatAH svayA .7-20.

yo yo yAM yAM tanuM bhak{}taH shraddhayArchitumich{}chhati .
tasya tasyAchalAM shraddhAM tAmeva vidadhAmyaham.h .7-21.

sa tayA shraddhayA yuk{}tastasyArAdhanamIhate .
labhate cha tataH kAmAnmayaivaH vihitAnhitAn.h .7-22.

antavattu phalaM teShAM tadbhavatyal{}pamedhasAm.h .
devAndevayajo yAnti madbhak{}tA yAnti mAmapi .7-23.

avyak{}taM vyak{}timApannaM manyante mAmabuddhayaH .
paraM bhAvamajAnanto mamAvyayamanuttamam.h .7-24.

nAhaM prakAshaH sarvasya yogamAyAsamAvR^itaH .
mUDho.ayaM nAbhijAnAti loko mAmajamavyayam.h .7-25.

vedAhaM samatItAni vartamAnAni chArjuna .
bhaviShyANi cha bhUtAni mAM tu veda na kashchana .7-26.

ich{}chhAdveShasamutthena dvandvamohena bhArata .
sarvabhUtAni saMmohaM sarge yAnti paraMtapa .7-27.

yeShAM tvantagataM pApaM janAnAM puNyakarmaNAm.h .
te dvandvamohanirmuk{}tA bhajante mAM dR^iDhavratAH .7-28.

jarAmaraNamoxAya mAmAshritya yatanti ye .
te brahma tadviduH kR^its{}namadhyAtmaM karma chAkhilam.h .7-29.

sAdhibhUtAdhidaivaM mAM sAdhiyaGYaM cha ye viduH .
prayANakAle.api cha mAM te viduryuk{}tachetasaH .7-30.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
GYAnaviGYAnayogo nAma sap{}tamo.adhyAyaH .7.

\vspace{.0in} \hrule \vspace{.0in}
%8

atha aShTamo.adhyAyaH.  (axarabrahmayogaH)

arjuna uvAcha .

kiM tad.h brahma kimadhyAtmaM kiM karma puruShottama .
adhibhUtaM cha kiM prok{}tamadhidaivaM kimuchyate .8-1.

adhiyaGYaH kathaM ko.atra dehe.asminmadhusUdana .
prayANakAle cha kathaM GYeyo.asi niyatAtmabhiH .8-2.

shrIbhagavAnuvAcha .

axaraM brahma paramaM svabhAvo.adhyAtmamuchyate .
bhUtabhAvodbhavakaro visargaH karmasaMGYitaH .8-3.

adhibhUtaM xaro bhAvaH puruShashchAdhidaivatam.h .
adhiyaGYo.ahamevAtra dehe dehabhR^itAM vara .8-4.

antakAle cha mAmeva smaranmuk{}tvA kalevaram.h .
yaH prayAti sa madbhAvaM yAti nAstyatra saMshayaH .8-5.

yaM yaM vA.api smaranbhAvaM tyajatyante kalevaram.h .
taM tamevaiti kaunteya sadA tadbhAvabhAvitaH .8-6.

tasmAtsarveShu kAleShu mAmanusmara yudhya cha .
mayyarpitamanobuddhirmAmevaiShyasyasaMshayaH .8-7.

abhyAsayogayuk{}tena chetasA nAnyagAminA .
paramaM puruShaM divyaM yAti pArthAnuchintayan.h .8-8.

kaviM purANamanushAsitAraM
aNoraNIyaMsamanusmaredyaH .
sarvasya dhAtAramachintyarUpaM
AdityavarNaM tamasaH parastAt.h .8-9.

prayANakAle manasA.achalena
bhak{}tyA yuk{}to yogabalena chaiva .
bhruvormadhye prANamAveshya samyak.h
sa taM paraM puruShamupaiti divyam.h .8-10.

yadaxaraM vedavido vadanti
vishanti yadyatayo vItarAgAH .
yadich{}chhanto brahmacharyaM charanti
tatte padaM saMgraheNa pravaxye .8-11.

sarvadvArANi saMyamya mano hR^idi nirudhya cha .
mU{dh{}nyA}.rdhAyAtmanaH prANamAsthito yogadhAraNAm.h .8-12.

omityekAxaraM brahma vyAharanmAmanusmaran.h .
yaH prayAti tyajandehaM sa yAti paramAM gatim.h .8-13.

ananyachetAH satataM yo mAM smarati nityashaH .
tasyAhaM sulabhaH pArtha nityayuk{}tasya yoginaH .8-14.

mAmupetya punarjanma duHkhAlayamashAshvatam.h .
nAp{}nuvanti mahAtmAnaH saMsiddhiM paramAM gatAH .8-15.

AbrahmabhuvanAl{}lokAH punarAvartino.arjuna .
mAmupetya tu kaunteya punarjanma na vidyate .8-16.

sahasrayugaparyantamaharyad.h brahmaNo viduH .
rAtriM yugasahasrAntAM te.ahorAtravido janAH .8-17.

avyak{}tAd.h vyak{}tayaH sarvAH prabhavantyaharAgame .
rAtr{}yAgame pralIyante tatraivAvyak{}tasaMGYake .8-18.

bhUtagrAmaH sa evAyaM bhUtvA bhUtvA pralIyate .
rAtr{}yAgame.avashaH pArtha prabhavatyaharAgame .8-19.

parastasmAttu bhAvo.anyo.avyak{}to.avyak{}tAtsanAtanaH .
yaH sa sarveShu bhUteShu nashyatsu na vinashyati .8-20.

avyak{}to.axara ityuk{}tastamAhuH paramAM gatim.h .
yaM prApya na nivartante taddhAma paramaM mama .8-21.

puruShaH sa paraH pArtha bhak{}tyA labhyastvananyayA .
yasyAntaHsthAni bhUtAni yena sarvamidaM tatam.h .8-22.

yatra kAle tvanAvR^ittimAvR^ittiM chaiva yoginaH .
prayAtA yAnti taM kAlaM vaxyAmi bharatarShabha .8-23.

agnirjotirahaH shuk{}laH ShaNmAsA uttarAyaNam.h .
tatra prayAtA gach{}chhanti brahma brahmavido janAH .8-24.

dhUmo rAtristathA kR^iShNaH ShaNmAsA daxiNAyanam.h .
tatra chAndramasaM jyotiryogI prApya nivartate .8-25.

shuk{}lakR^iShNe gatI hyete jagataH shAshvate mate .
ekayA yAtyanAvR^ittimanyayAvartate punaH .8-26.

naite sR^itI pArtha jAnanyogI muhyati kashchana .
tasmAtsarveShu kAleShu yogayuk{}to bhavArjuna .8-27.

vedeShu yaGYeShu tapaHsu chaiva
dAneShu yatpuNyaphalaM pradiShTam.h .
atyeti tatsarvamidaM viditvA
yogI paraM sthAnamupaiti chAdyam.h .8-28 .


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
axarabrahmayogo nAmAShTamo.adhyAyaH .8.

\vspace{.0in} \hrule \vspace{.0in}
%9

atha navamo.adhyAyaH.  (rAjavidyArAjaguhyayogaH)

shrIbhagavAnuvAcha .

idaM tu te guhyatamaM pravaxyAmyanasUyave .
GYAnaM viGYAnasahitaM yajGYAtvA moxyase.ashubhAt.h .9-1.

rAjavidyA rAjaguhyaM pavitramidamuttamam.h .
pratyaxAvagamaM dharmyaM susukhaM kartumavyayam.h .9-2.

ashraddadhAnAH puruShA dharmasyAsya paraMtapa .
aprApya mAM nivartante mR^ityusaMsAravartmani .9-3.

mayA tatamidaM sarvaM jagadavyak{}tamUrtinA .
matsthAni sarvabhUtAni na chAhaM teShvavasthitaH .9-4.

na cha matsthAni bhUtAni pashya me yogamaishvaram.h .
bhUtabhR^inna cha bhUtastho mamAtmA bhUtabhAvanaH .9-5.

yathAkAshasthito nityaM vAyuH sarvatrago mahAn.h .
tathA sarvANi bhUtAni matsthAnItyupadhAraya .9-6.

sarvabhUtAni kaunteya prakR^itiM yAnti mAmikAm.h .
kal{}paxaye punastAni kal{}pAdau visR^ijAmyaham.h .9-7.

prakR^itiM svAmavaShTabhya visR^ijAmi punaH punaH .
bhUtagrAmamimaM kR^its{}namavashaM prakR^itervashAt.h .9-8.

na cha mAM tAni karmANi nibadh{}nanti dhanaMjaya .
udAsInavadAsInamasak{}taM teShu karmasu .9-9.

mayAdhyaxeNa prakR^itiH sUyate sacharAcharam.h .
hetunAnena kaunteya jagadviparivartate .9-10.

avajAnanti mAM mUDhA mAnuShIM tanumAshritam.h .
paraM bhAvamajAnanto mama bhUtamaheshvaram.h .9-11.

moghAshA moghakarmANo moghaGYAnA vichetasaH .
rAxasImAsurIM chaiva prakR^itiM mohinIM shritAH .9-12.

mahAtmAnastu mAM pArtha daivIM prakR^itimAshritAH .
bhajantyananyamanaso GYAtvA bhUtAdimavyayam.h .9-13.

satataM kIrtayanto mAM yatantashcha dR^iDhavratAH .
namasyantashcha mAM bhak{}tyA nityayuk{}tA upAsate .9-14.

GYAnayaGYena chApyanye yajanto mAmupAsate .
ekatvena pR^ithak{}tvena bahudhA vishvatomukham.h .9-15.

ahaM kraturahaM yaGYaH svadhAhamahamauShadham.h .
mantro.ahamahamevAjyamahamagnirahaM hutam.h .9-16.

pitAhamasya jagato mAtA dhAtA pitAmahaH .
vedyaM pavitramoMkAra R^iksAma yajureva cha .9-17.

gatirbhartA prabhuH sAxI nivAsaH sharaNaM suhR^it.h .
prabhavaH pralayaH sthAnaM nidhAnaM bIjamavyayam.h .9-18.

tapAmyahamahaM varShaM nigR^iNhAmyutsR^ijAmi cha .
amR^itaM chaiva mR^ityushcha sadasach{}chAhamarjuna .9-19.

traividyA mAM somapAH pUtapApA
yaGYairiSh{}TvA svargatiM prArthayante .
te puNyamAsAdya surendralokaM
ashnanti divyAndivi devabhogAn.h .9-20.

te taM bhuk{}tvA svargalokaM vishAlaM
xINe puNye martyalokaM vishanti .
evaM trayIdharmamanuprapannA
gatAgataM kAmakAmA labhante .9-21.

ananyAshchintayanto mAM ye janAH paryupAsate .
teShAM nityAbhiyuk{}tAnAM yogaxemaM vahAmyaham.h .9-22.

ye.apyanyadevatAbhak{}tA yajante shraddhayAnvitAH .
te.api mAmeva kaunteya yajantyavidhipUrvakam.h .9-23.

ahaM hi sarvayaGYAnAM bhok{}tA cha prabhureva cha .
na tu mAmabhijAnanti tattvenAtashchyavanti te .9-24.

yAnti devavratA devAnpitR^InyAnti pitR^ivratAH .
bhUtAni yAnti bhUtejyA yAnti madyAjino.api mAm.h .9-25.

patraM puShpaM phalaM toyaM yo me bhak{}tyA prayach{}chhati .
tadahaM bhak{}tyupahR^itamashnAmi prayatAtmanaH .9-26.

yatkaroShi yadashnAsi yaj{}juhoShi dadAsi yat.h .
yattapasyasi kaunteya tatkuruShva madarpaNam.h .9-27.

shubhAshubhaphalairevaM moxyase karmabandhanaiH .
saMnyAsayogayuk{}tAtmA vimuk{}to mAmupaiShyasi .9-28.

samo.ahaM sarvabhUteShu na me dveShyo.asti na priyaH .
ye bhajanti tu mAM bhak{}tyA mayi te teShu chApyaham.h .9-29.

api chetsudurAchAro bhajate mAmananyabhAk.h .
sAdhureva sa mantavyaH samyagvyavasito hi saH .9-30.

xipraM bhavati dharmAtmA shashvach{}chhAntiM nigach{}chhati .
kaunteya pratijAnIhi na me bhak{}taH praNashyati .9-31.

mAM hi pArtha vyapAshritya ye.api syuH pApayonayaH .
striyo vaishyAstathA shUdrAste.api yAnti parAM gatim.h .9-32.

kiM punarbrAhmaNAH puNyA bhak{}tA rAjarShayastathA .
anityamasukhaM lokamimaM prApya bhajasva mAm.h .9-33.

manmanA bhava madbhak{}to madyAjI mAM namaskuru .
mAmevaiShyasi yuk{}tvaivamAtmAnaM matparAyaNaH .9-34.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
rAjavidyArAjaguhyayogo nAma navamo.adhyAyaH .9.

\vspace{.0in} \hrule \vspace{.0in}
%10

atha dashamo.adhyAyaH.  (vibhUtiyogaH)

shrIbhagavAnuvAcha .

bhUya eva mahAbAho shR^iNu me paramaM vachaH .
yatte.ahaM prIyamANAya vaxyAmi hitakAmyayA .10-1.

na me viduH suragaNAH prabhavaM na maharShayaH .
ahamAdirhi devAnAM maharShINAM cha sarvashaH .10-2.

yo mAmajamanAdiM cha vetti lokamaheshvaram.h .
asaMmUDhaH sa martyeShu sarvapApaiH pramuchyate .10-3.

buddhirGYAnamasaMmohaH xamA satyaM damaH shamaH .
sukhaM duHkhaM bhavo.abhAvo bhayaM chAbhayameva cha .10-4.

ahiMsA samatA tuShTistapo dAnaM yasho.ayashaH .
bhavanti bhAvA bhUtAnAM matta eva pR^ithagvidhAH .10-5.

maharShayaH sap{}ta pUrve chatvAro manavastathA .
madbhAvA mAnasA jAtA yeShAM loka imAH prajAH .10-6.

etAM vibhUtiM yogaM cha mama yo vetti tattvataH .
so.avikampena yogena yujyate nAtra saMshayaH .10-7.

ahaM sarvasya prabhavo mattaH sarvaM pravartate .
iti matvA bhajante mAM budhA bhAvasamanvitAH .10-8.

mach{}chittA madgataprANA bodhayantaH parasparam.h .
kathayantashcha mAM nityaM tuShyanti cha ramanti cha .10-9.

teShAM satatayuk{}tAnAM bhajatAM prItipUrvakam.h .
dadAmi buddhiyogaM taM yena mAmupayAnti te .10-10.

teShAmevAnukampArthamahamaGYAnajaM tamaH .
nAshayAmyAtmabhAvastho GYAnadIpena bhAsvatA .10-11.

arjuna uvAcha .

paraM brahma paraM dhAma pavitraM paramaM bhavAn.h .
puruShaM shAshvataM divyamAdidevamajaM vibhum.h .10-12.

AhustvAmR^iShayaH sarve devarShirnAradastathA .
asito devalo vyAsaH svayaM chaiva bravIShi me .10-13.

sarvametadR^itaM manye yanmAM vadasi keshava .
na hi te bhagavanvyak{}tiM vidurdevA na dAnavAH .10-14.

svayamevAtmanAtmAnaM vettha tvaM puruShottama .
bhUtabhAvana bhUtesha devadeva jagatpate .10-15.

vak{}tumarhasyasheSheNa divyA hyAtmavibhUtayaH .
yAbhirvibhUtibhirlokAnimAMstvaM vyApya tiShThasi .10-16.

kathaM vidyAmahaM yogiMstvAM sadA parichintayan.h .
keShu keShu cha bhAveShu chintyo.asi bhagavanmayA .10-17.

vistareNAtmano yogaM vibhUtiM cha janArdana .
bhUyaH kathaya tR^ip{}tirhi shR^iNvato nAsti me.amR^itam.h .10-18.

shrIbhagavAnuvAcha .

hanta te kathayiShyAmi divyA hyAtmavibhUtayaH .
prAdhAnyataH kurushreShTha nAstyanto vistarasya me .10-19.

ahamAtmA guDAkesha sarvabhUtAshayasthitaH .
ahamAdishcha madhyaM cha bhUtAnAmanta eva cha .10-20.

AdityAnAmahaM viShNurjyotiShAM raviraMshumAn.h .
marIchirmarutAmasmi naxatrANAmahaM shashI .10-21.

vedAnAM sAmavedo.asmi devAnAmasmi vAsavaH .
indriyANAM manashchAsmi bhUtAnAmasmi chetanA .10-22.

rudrANAM shaN^karashchAsmi vittesho yaxaraxasAm.h .
vasUnAM pAvakashchAsmi meruH shikhariNAmaham.h .10-23.

purodhasAM cha mukhyaM mAM viddhi pArtha bR^ihaspatim.h .
senAnInAmahaM skandaH sarasAmasmi sAgaraH .10-24.

maharShINAM bhR^igurahaM girAmasmyekamaxaram.h .
yaGYAnAM japayaGYo.asmi sthAvarANAM himAlayaH .10-25.

ashvatthaH sarvavR^ixANAM devarShINAM cha nAradaH .
gandharvANAM chitrarathaH siddhAnAM kapilo muniH .10-26.

uch{}chaiHshravasamashvAnAM viddhi mAmamR^itodbhavam.h .
airAvataM gajendrANAM narANAM cha narAdhipam.h .10-27.

AyudhAnAmahaM vajraM dhenUnAmasmi kAmadhuk.h .
prajanashchAsmi kandarpaH sarpANAmasmi vAsukiH .10-28.

anantashchAsmi nAgAnAM varuNo yAdasAmaham.h .
pitR^iNAmaryamA chAsmi yamaH saMyamatAmaham.h .10-29.

prahlAdashchAsmi daityAnAM kAlaH kalayatAmaham.h .
mR^igANAM cha mR^igendro.ahaM vainateyashcha paxiNAm.h .10-30.

pavanaH pavatAmasmi rAmaH shastrabhR^itAmaham.h .
jhaShANAM makarashchAsmi srotasAmasmi jAhnavI .10-31.

sargANAmAdirantashcha madhyaM chaivAhamarjuna .
adhyAtmavidyA vidyAnAM vAdaH pravadatAmaham.h .10-32.

axarANAmakAro.asmi dvandvaH sAmAsikasya cha .
ahamevAxayaH kAlo dhAtA.ahaM vishvatomukhaH .10-33.

mR^ityuH sarvaharashchAhamudbhavashcha bhaviShyatAm.h .
kIrtiH shrIrvAkcha nArINAM smR^itirmedhA dhR^itiH xamA .10-34.

bR^ihatsAma tathA sAm{}nAM gAyatrI chhandasAmaham.h .
mAsAnAM mArgashIrSho.ahamR^itUnAM kusumAkaraH .10-35.

dyutaM chhalayatAmasmi tejastejasvinAmaham.h .
jayo.asmi vyavasAyo.asmi sattvaM sattvavatAmaham.h .10-36.

vR^iShNInAM vAsudevo.asmi pANDavAnAM dhanaMjayaH .
munInAmapyahaM vyAsaH kavInAmushanA kaviH .10-37.

daNDo damayatAmasmi nItirasmi jigIShatAm.h .
maunaM chaivAsmi guhyAnAM GYAnaM GYAnavatAmaham.h .10-38.

yach{}chApi sarvabhUtAnAM bIjaM tadahamarjuna .
na tadasti vinA yatsyAnmayA bhUtaM charAcharam.h .10-39.

nAnto.asti mama divyAnAM vibhUtInAM paraMtapa .
eSha tUddeshataH prok{}to vibhUtervistaro mayA .10-40.

yadyadvibhUtimatsattvaM shrImadUrjitameva vA .
tattadevAvagach{}chha tvaM mama tejoMshasaMbhavam.h .10-41.

athavA bahunaitena kiM GYAtena tavArjuna .
viShTabhyAhamidaM kR^its{}namekAMshena sthito jagat.h .10-42.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
vibhUtiyogo nAma dashamo.adhyAyaH .10.

\vspace{.0in} \hrule \vspace{.0in}
%11

athaikAdasho.adhyAyaH.  (vishvarUpadarshanayogaH)

etamI hi tvAM surasaN^ghA vishanti
kechidbhItAH prAJN{}jalayo gR^iNanti .
svastItyuk{}tvA maharShisiddhasaN^ghAH
stuvanti tvAM stutibhiH puShkalAbhiH .11-21.

rudrAdityA vasavo ye cha sAdhyA
vishveshvinau marutashchoShmapAshcha .
gandharvayaxAsurasiddhasaN^ghA
vIxante tvAM vismitAshchaiva sarve .11-22.

rUpaM mahatte bahuvak{}tranetraM
mahAbAho bahubAhUrupAdam.h .
bahUdaraM bahudaMShTrAkarAlaM
dR^iSh{}TvA lokAH pravyathitAstathAham.h .11-23.

nabhaHspR^ishaM dIp{}tamanekavarNaM
vyAttAnanaM dIp{}tavishAlanetram.h .
dR^iSh{}TvA hi tvAM pravyathitAntarAtmA
dhR^itiM na vindAmi shamaM cha viShNo .11-24.

daMShTrAkarAlAni cha te mukhAni
dR^iSh{}Tvaiva kAlAnalasannibhAni .
disho na jAne na labhe cha sharma
prasIda devesha jagannivAsa .11-25.

amI cha tvAM dhR^itarAShTrasya putrAH
sarve sahaivAvanipAlasaN^ghaiH .
bhIShmo droNaH sUtaputrastathAsau
sahAsmadIyairapi yodhamukhyaiH .11-26.

vak{}trANi te tvaramANA vishanti
daMShTrAkarAlAni bhayAnakAni .
kechidvilagnA dashanAntareShu
saMdR^ishyante chUrNitairuttamAN^gaiH .11-27.

yathA nadInAM bahavo.ambuvegAH
samudramevAbhimukhA dravanti .
tathA tavAmI naralokavIrA
vishanti vak{}trANyabhivijvalanti .11-28.

yathA pradIp{}taM jvalanaM pataN^gA
vishanti nAshAya samR^iddhavegAH .
tathaiva nAshAya vishanti lokAH
tavApi vak{}trANi samR^iddhavegAH .11-29.

lelihyase grasamAnaH samantAt.h
lokAnsamagrAnvadanairjvaladbhiH .
tejobhirApUrya jagatsamagraM
bhAsastavogrAH pratapanti viShNo .11-30.

AkhyAhi me ko bhavAnugrarUpo
namo.astu te devavara prasIda .
viGYAtumich{}chhAmi bhavantamAdyaM
na hi prajAnAmi tava pravR^ittim.h .11-31.

shrIbhagavAnuvAcha .

kAlo.asmi lokaxayakR^itpravR^iddho
lokAnsamAhartumiha pravR^ittaH .
R^ite.api tvAM na bhaviShyanti sarve
ye.avasthitAH pratyanIkeShu yodhAH .11-32.

tasmAttvamuttiShTha yasho labhasva
jitvA shatrUn.h bhuN^.hxva rAjyaM samR^iddham.h .
mayaivaite nihatAH pUrvameva
nimittamAtraM bhava savyasAchin.h .11-33.

droNaM cha bhIShmaM cha jayadrathaM cha
karNaM tathAnyAnapi yodhavIrAn.h .
mayA hatAMstvaM jahi mAvyathiShThA
yudhyasva jetAsi raNe sapat{}nAn.h .11-34.

saMjaya uvAcha .

etach{}chhrutvA vachanaM keshavasya
kR^itAJN{}jalirvepamAnaH kirITI .
namaskR^itvA bhUya evAha kR^iShNaM
sagadgadaM bhItabhItaH praNamya .11-35.

arjuna uvAcha .

sthAne hR^iShIkesha tava prakIrtyA
jagatprahR^iShyatyanurajyate cha .
raxAMsi bhItAni disho dravanti
sarve namasyanti cha siddhasaN^ghAH .11-36.

kasmAch{}cha te na nameranmahAtman.h
garIyase brahmaNo.apyAdikartre .
ananta devesha jagannivAsa
tvamaxaraM sadasattatparaM yat.h .11-37.

tvamAdidevaH puruShaH purANaH
tvamasya vishvasya paraM nidhAnam.h .
vettAsi vedyaM cha paraM cha dhAma
tvayA tataM vishvamanantarUpa .11-38.

vAyuryamo.agnirvaruNaH shashAN^kaH
prajApatistvaM prapitAmahashcha .
namo namaste.astu sahasrakR^itvaH
punashcha bhUyo.api namo namaste .11-39.

namaH purastAdatha pR^iShThataste
namo.astu te sarvata eva sarva .
anantavIryAmitavikramastvaM
sarvaM samAp{}noShi tato.asi sarvaH .11-40.

sakheti matvA prasabhaM yaduk{}taM
he kR^iShNa he yAdava he sakheti .
ajAnatA mahimAnaM tavedaM
mayA pramAdAtpraNayena vA.api .11-41.

yach{}chAvahAsArthamasatkR^ito.asi
vihArashayyAsanabhojaneShu .
eko.athavApyachyuta tatsamaxaM
tatxAmaye tvAmahamaprameyam.h .11-42.

pitAsi lokasya charAcharasya
tvamasya pUjyashcha gururgarIyAn.h .
na tvatsamo.astyabhyadhikaH kuto.anyo
lokatraye.apyapratimaprabhAva .11-43.

tasmAtpraNamya praNidhAya kAyaM
prasAdaye tvAmahamIshamIDyam.h .
piteva putrasya sakheva sakhyuH
priyaH priyAyArhasi deva soDhum.h .11-44.

adR^iShTapUrvaM hR^iShito.asmi dR^iSh{}TvA
bhayena cha pravyathitaM mano me .
tadeva me darshaya deva rUpaM
prasIda devesha jagannivAsa .11-45.

kirITinaM gadinaM chakrahastaM
ich{}chhAmi tvAM draShTumahaM tathaiva .
tenaiva rUpeNa chaturbhujena
sahasrabAho bhava vishvamUrte .11-46.

shrIbhagavAnuvAcha .

mayA prasannena tavArjunedaM
rUpaM paraM darshitamAtmayogAt.h .
tejomayaM vishvamanantamAdyaM
yanme tvadanyena na dR^iShTapUrvam.h .11-47.

na veda yaGYAdhyayanairna dAnaiH
na cha kriyAbhirna tapobhirugraiH .
evaMrUpaH shak{}ya ahaM nR^iloke
draShTuM tvadanyena kurupravIra .11-48.

mA te vyathA mA cha vimUDhabhAvo
dR^iSh{}TvA rUpaM ghoramIdR^iN^.hmamedam.h .
vyapetabhIH prItamanAH punastvaM
tadeva me rUpamidaM prapashya .11-49.

saMjaya uvAcha .

ityarjunaM vAsudevastathok{}tvA
svakaM rUpaM darshayAmAsa bhUyaH .
AshvAsayAmAsa cha bhItamenaM
bhUtvA punaH saumyavapurmahAtmA .11-50.

arjuna uvAcha .

dR^iSh{}TvedaM mAnuShaM rUpaM tava saumyaM janArdana .
idAnImasmi saMvR^ittaH sachetAH prakR^itiM gataH .11-51.

shrIbhagavAnuvAcha .

sudurdarshamidaM rUpaM dR^iSh{}TvAnasi yanmama .
devA apyasya rUpasya nityaM darshanakAN^xiNaH .11-52.

nAhaM vedairna tapasA na dAnena na chejyayA .
shak{}ya evaMvidho draShTuM dR^iShTavAnasi mAM yathA .11-53.

bhak{}tyA tvananyayA shak{}ya ahamevaMvidho.arjuna .
GYAtuM draShTuM cha tatvena praveShTuM cha paraMtapa .11-54.

matkarmakR^inmatparamo madbhak{}taH saN^gavarjitaH .
nirvairaH sarvabhUteShu yaH sa mAmeti pANDava .11-55.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
vishvarUpadarshanayogo nAmaikAdasho.adhyAyaH .12-11.

\vspace{.0in} \hrule \vspace{.0in}
%12


\vspace{.0in} \hrule \vspace{.0in}
%13

atha trayodasho.adhyAyaH.  (xetraxetraGYavibhAgayogaH)

arjuna uvAcha .

prakR^itiM puruShaM chaiva xetraM xetraGYameva cha .
etadveditumich{}chhAmi GYAnaM GYeyaM cha keshava .13-1.

shrIbhagavAnuvAcha .

idaM sharIraM kaunteya xetramityabhidhIyate .
etadyo vetti taM prAhuH xetraGYa iti tadvidaH .13-2.

xetraGYaM chApi mAM viddhi sarvaxetreShu bhArata .
xetraxetraGYayorGYAnaM yattajGYAnaM mataM mama .13-3.

tatxetraM yach{}cha yAdR^ikcha yadvikAri yatashcha yat.h .
sa cha yo yatprabhAvashcha tatsamAsena me shR^iNu .13-4.

R^iShibhirbahudhA gItaM chhandobhirvividhaiH pR^ithak.h .
brahmasUtrapadaishchaiva hetumadbhirvinishchitaiH .13-5.

mahAbhUtAnyahaMkAro buddhiravyak{}tameva cha .
indriyANi dashaikaM cha paMcha chendriyagocharAH .13-6.

ich{}chhA dveShaH sukhaM duHkhaM saMghAtashchetanA dhR^itiH .
etatxetraM samAsena savikAramudAhR^itam.h .13-7.

amAnitvamadambhitvamahiMsA xAntirArjavam.h .
AchAryopAsanaM shauchaM sthairyamAtmavinigrahaH .13-8.

indriyArtheShu vairAgyamanahaMkAra eva cha .
janmamR^ityujarAvyAdhiduHkhadoShAnudarshanam.h .13-9.

asak{}tiranabhiShvaN^gaH putradAragR^ihAdiShu .
nityaM cha samachittatvamiShTAniShTopapattiShu .13-10.

mayi chAnanyayogena bhak{}tiravyabhichAriNI .
vivik{}tadeshasevitvamaratirjanasaMsadi .13-11.

adhyAtmaGYAnanityatvaM tattvaGYAnArthadarshanam.h .
etajGYAnamiti prok{}tamaGYAnaM yadato.anyathA .13-12.

GYeyaM yattatpravaxyAmi yajGYAtvA.amR^itamashnute .
anAdimatparaM brahma na sattannAsaduchyate .13-13.

sarvataH pANipAdaM tatsarvato.axishiromukham.h .
sarvataH shrutimal{}loke sarvamAvR^itya tiShThati .13-14.

sarvendriyaguNAbhAsaM sarvendriyavivarjitam.h .
asak{}taM sarvabhR^ich{}chaiva nirguNaM guNabhok{}tR^i cha .13-15.

bahirantashcha bhUtAnAmacharaM charameva cha .
sUxmatvAttadaviGYeyaM dUrasthaM chAntike cha tat.h .13-16.

avibhak{}taM cha bhUteShu vibhak{}tamiva cha sthitam.h .
bhUtabhartR^i cha tajGYeyaM grasiShNu prabhaviShNu cha .13-17.

jyotiShAmapi taj{}jyotistamasaH paramuchyate .
GYAnaM GYeyaM GYAnagamyaM hR^idi sarvasya viShThitam.h .13-18.

iti xetraM tathA GYAnaM GYeyaM chok{}taM sanAsataH .
madbhak{}ta etadviGYAya madbhAvAyopapadyate .13-19.

prakR^itiM puruShaM chaiva vidyanAdi ubhAvapi .
vikArAMshcha guNAMshchaiva viddhi prakR^itisaMbhavAn.h .13-20.

kAryakAraNakartR^itve hetuH prakR^itiruchyate .
puruShaH sukhaduHkhAnAM bhok{}tR^itve heturuchyate .13-21.

puruShaH prakR^itistho hi bhuN^.hk{}te prakR^itijAnguNAn.h .
kAraNaM guNasaN^go.asya sadasadyonijanmasu .13-22.

upadraShTAnumantA cha bhartA bhok{}tA maheshvaraH .
paramAtmeti chApyuk{}to dehe.asminpuruShaH paraH .13-23.

ya evaM vetti puruShaM prakR^itiM cha guNaiH saha .
sarvathA vartamAno.api na sa bhUyo.abhijAyate .13-24.

dhyAnenAtmani pashyanti kechidAtmAnamAtmanA .
anye sAN^khyena yogena karmayogena chApare .13-25.

anye tvevamajAnantaH shrutvAnyebhya upAsate .
te.api chAtitarantyeva mR^ityuM shrutiparAyaNAH .13-26.

yAvatsaMjAyate kiMchitsattvaM sthAvarajaN^gamam.h .
xetraxetraGYasaMyogAttadviddhi bharatarShabha .13-27.

samaM sarveShu bhUteShu tiShThantaM parameshvaram.h
vinashyatsvavinashyantaM yaH pashyati sa pashyati .13-28.

samaM pashyanhi sarvatra samavasthitamIshvaram.h .
na hinastyAtmanAtmAnaM tato yAti parAM gatim.h .13-29.

prakR^ityaiva cha karmANi kriyamANAni sarvashaH .
yaH pashyati tathAtmAnamakartAraM sa pashyati .13-30.

yadA bhUtapR^ithagbhAvamekasthamanupashyati .
tata eva cha vistAraM brahma saMpadyate tadA .13-31.

anAditvAnnirguNatvAtparamAtmAyamavyayaH .
sharIrastho.api kaunteya na karoti na lipyate .13-32.

yathA sarvagataM sauxmyAdAkAshaM nopalipyate .
sarvatrAvasthito dehe tathAtmA nopalipyate .13-33.

yathA prakAshayatyekaH kR^its{}naM lokamimaM raviH .
xetraM xetrI tathA kR^its{}naM prakAshayati bhArata .13-34.

xetraxetraGYayorevamantaraM GYAnachaxuShA .
bhUtaprakR^itimoxaM cha ye viduryAnti te param.h .13-35.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
xetraxetraGYavibhAgayogo nAma trayodasho.adhyAyaH .13.

\vspace{.0in} \hrule \vspace{.0in}
%14

atha chaturdasho.adhyAyaH.  (guNatrayavibhAgayogaH)

shrIbhagavAnuvAcha .

paraM bhUyaH pravaxyAmi GYAnAnAM GYAnamuttamam.h .
yajGYAtvA munayaH sarve parAM siddhimito gatAH .14-1.

idaM GYAnamupAshritya mama sAdharmyamAgatAH .
sarge.api nopajAyante pralaye na vyathanti cha .14-2.

mama yonirmahad.h brahma tasmingarbhaM dadhAmyaham.h .
saMbhavaH sarvabhUtAnAM tato bhavati bhArata .14-3.

sarvayoniShu kaunteya mUrtayaH saMbhavanti yAH .
tAsAM brahma mahadyonirahaM bIjapradaH pitA .14-4.

sattvaM rajastama iti guNAH prakR^itisambhavAH .
nibadh{}nanti mahAbAho dehe dehinamavyayam.h .14-5.

tatra sattvaM nirmalatvAtprakAshakamanAmayam.h .
sukhasaN^gena badh{}nAti GYAnasaN^gena chAnagha .14-6.

rajo rAgAtmakaM viddhi tR^iShNAsaN^gasamudbhavam.h .
tannibadh{}nAti kaunteya karmasaN^gena dehinam.h .14-7.

tamastvaGYAnajaM viddhi mohanaM sarvadehinAm.h .
pramAdAlasyanidrAbhistannibadh{}nAti bhArata .14-8.

sattvaM sukhe saMjayati rajaH karmaNi bhArata .
GYAnamAvR^itya tu tamaH pramAde saMjayatyuta .14-9.

rajastamashchAbhibhUya sattvaM bhavati bhArata .
rajaH sattvaM tamashchaiva tamaH sattvaM rajastathA .14-10.

sarvadvAreShu dehe.asminprakAsha upajAyate .
GYAnaM yadA tadA vidyAdvivR^iddhaM sattvamityuta .14-11.

lobhaH pravR^ittirArambhaH karmaNAmashamaH spR^ihA .
rajasyetAni jAyante vivR^iddhe bharatarShabha .14-12.

aprakAsho.apravR^ittishcha pramAdo moha eva cha .
tamasyetAni jAyante vivR^iddhe kurunandana .14-13.

yadA sattve pravR^iddhe tu pralayaM yAti dehabhR^it.h .
tadottamavidAM lokAnamalAnpratipadyate .14-14.

rajasi pralayaM gatvA karmasaN^giShu jAyate .
tathA pralInastamasi mUDhayoniShu jAyate .14-15.

karmaNaH sukR^itasyAhuH sAttvikaM nirmalaM phalam.h .
rajasastu phalaM duHkhamaGYAnaM tamasaH phalam.h .14-16.

sattvAtsaMjAyate GYAnaM rajaso lobha eva cha .
pramAdamohau tamaso bhavato.aGYAnameva cha .14-17.

UrdhvaM gach{}chhanti sattvasthA madhye tiShThanti rAjasAH .
jaghanyaguNavR^ittisthA adho gach{}chhanti tAmasAH .14-18.

nAnyaM guNebhyaH kartAraM yadA draShTAnupashyati .
guNebhyashcha paraM vetti madbhAvaM so.adhigach{}chhati .14-19.

guNAnetAnatItya trIndehI dehasamudbhavAn.h .
janmamR^ityujarAduHkhairvimuk{}to.amR^itamashnute .14-20.

arjuna uvAcha .

kairliN^gaistrInguNAnetAnatIto bhavati prabho .
kimAchAraH kathaM chaitAMstrInguNAnativartate .14-21.

shrIbhagavAnuvAcha .

prakAshaM cha pravR^ittiM cha mohameva cha pANDava .
ta dveShTi saMpravR^ittAni na nivR^ittAni kAN^xati .14-22.

udAsInavadAsIno guNairyo na vichAlyate .
guNA vartanta ityeva yo.avatiShThati neN^gate .14-23.

samaduHkhasukhaH svasthaH samaloShTAshmakAMchanaH .
tulyapriyApriyo dhIrastulyanindAtmasaMstutiH .14-24.

mAnApamAnayostulyastulyo mitrAripaxayoH .
sarvArambhaparityAgI guNAtItaH sa uchyate .14-25.

mAM cha yo.avyabhichAreNa bhak{}tiyogena sevate .
sa guNAnsamatItyaitAnbrahmabhUyAya kal{}pate .14-26.

brahmaNo hi pratiShThAhamamR^itasyAvyayasya cha .
shAshvatasya cha dharmasya sukhasyaikAntikasya cha .14-27.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
guNatrayavibhAgayogo nAma chaturdasho.adhyAyaH .14.

\vspace{.0in} \hrule \vspace{.0in}
%15

atha paMchadasho.adhyAyaH.  (puruShottamayogaH)

shrIbhagavAnuvAcha .

UrdhvamUlamadhaHshAkhamashvatthaM prAhuravyayam.h .
chhandAMsi yasya parNAni yastaM veda sa vedavit.h .15-1.

adhashchordhvaM prasR^itAstasya shAkhA
guNapravR^iddhA viShayapravAlAH .
adhashcha mUlAnyanusaMtatAni
karmAnubandhIni manuShyaloke .15-2.

na rUpamasyeha tathopalabhyate
nAnto na chAdirna cha saMpratiShThA .
ashvatthamenaM suvirUDhamUlaM
asaN^gashastreNa dR^iDhena chhittvA .15-3.

tataH padaM tatparimArgitavyaM
yasmingatA na nivartanti bhUyaH .
tameva chAdyaM puruShaM prapadye .
yataH pravR^ittiH prasR^itA purANI .15-4.

nirmAnamohA jitasaN^gadoShA
adhyAtmanityA vinivR^ittakAmAH .
dvandvairvimuk{}tAH sukhaduHkhasaMGYaiH
gach{}chhantyamUDhAH padamavyayaM tat.h .15-5.

na tadbhAsayate sUryo na shashAN^ko na pAvakaH .
yadgatvA na nivartaMte taddhAma paramaM mama .15-6.

mamaivAMsho jIvaloke jIvabhUtaH sanAtanaH .
manaHShaShThAnIndriyANi prakR^itisthAni karShati .15-7.

sharIraM yadavAp{}noti yach{}chApyutkrAmatIshvaraH .
gR^ihitvaitAni saMyAti vAyurgaMdhAnivAshayAt.h .15-8.

shrotraM chaxuH sparshanaM cha rasanaM ghrANameva cha .
adhiShThAya manashchAyaM viShayAnupasevate .15-9.

utkrAmantaM sthitaM vA.api bhuMjAnaM vA guNAnvitam.h .
vimUDhA nAnupashyanti pashyanti GYAnachaxuShaH .15-10.

yatanto yoginashchainaM pashyantyAtmanyavasthitam.h .
yatanto.apyakR^itAtmAno nainaM pashyaMtyachetasaH .15-11.

yadAdityagataM tejo jagadbhAsayate.akhilam.h .
yach{}chandramasi yach{}chAgnau tattejo viddhi mAmakam.h .15-12.

gAmAvishya cha bhUtAni dhArayAmyahamojasA .
puShNAmi chauShadhIH sarvAH somo bhUtvA rasAtmakaH .15-13.

ahaM vaishvAnaro bhUtvA prANinAM dehamAshritaH .
prANApAnasamAyuk{}taH pachAmyannaM chaturvidham.h .15-14.

sarvasya chAhaM hR^idi sanniviShTo
mattaH smR^itirGYAnamapohanaMcha .
vedaishcha sarvairahameva vedyo
vedAntakR^idvedavideva chAham.h .15-15.

dvAvimau puruShau loke xarashchAxara eva cha .
xaraH sarvANi bhUtAni kUTastho.axara uchyate .15-16.

uttamaH puruShastvanyaH paramAtmetyudhAhR^itaH .
yo lokatrayamAvishya bibhartyavyaya IshvaraH .15-17.

yasmAtxaramatIto.ahamaxarAdapi chottamaH .
ato.asmi loke vedecha prathitaH puruShottamaH .15-18.

yo mAmevamasaMmUDho jAnAtipuruShottamam.h .
sa sarvavidbhajati mAM sarvabhAvena bhArata .15-19.

iti guhyatamaM shAstramidamuk{}taM mayA.anagha .
etatbuddhvA buddhimAnsyAtkR^itakR^ityashcha bhArata .15-20.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjuna saMvAde
puruShottamayogo nAma paMchadasho.adhyAyaH .15.

\vspace{.0in} \hrule \vspace{.0in}
%16

atha ShoDasho.adhyAyaH.  (daivAsurasaMpadvibhAgayogaH)

shrIbhagavAnuvAcha .

abhayaM sattvasaMshuddhirGYAnayogavyavasthitiH .
dAnaM damashcha yaGYashcha svAdhyAyastapa Arjavam.h .16-1.

ahiMsA satyamakrodhastyAgaH shAntirapaishunam.h .
dayA bhUteShvalolup{}tvaM mArdavaM hrIrachApalam.h .16-2.

tejaH xamA dhR^itiH shauchamadroho nAtimAnitA .
bhavanti saMpadaM daivImabhijAtasya bhArata .16-3.

dambho darpo.abhimAnashcha krodhaH pAruShyameva cha .
aGYAnaM chAbhijAtasya pArtha saMpadamAsurIm.h .16-4.

daivI saMpadvimoxAya nibandhAyAsurI matA .
mA shuchaH saMpadaM daivImabhijAto.asi pANDava .16-5.

dvau bhUtasargau loke.asmindaiva Asura eva cha .
daivo vistarashaH prok{}ta AsuraM pArtha me shR^iNu .16-6.

pravR^ittiM cha nivR^ittiM cha janA na vidurAsurAH .
na shauchaM nApi chAchAro na satyaM teShu vidyate .16-7.

asatyamapratiShThaM te jagadAhuranIshvaram.h .
aparasparasaMbhUtaM kimanyatkAmahaitukam.h .16-8.

etAM dR^iShTimavaShTabhya naShTAtmAno.al{}pabuddhayaH .
prabhavantyugrakarmANaH xayAya jagato.ahitAH .16-9.

kAmamAshritya duShpUraM dambhamAnamadAnvitAH .
mohAd.hgR^ihItvAsad.hgrAhAnpravartante.ashuchivratAH .16-10.

chintAmaparimeyAM cha pralayAntAmupAshritAH .
kAmopabhogaparamA etAvaditi nishchitAH .16-11.

AshApAshashatairbaddhAH kAmakrodhaparAyaNAH .
Ihante kAmabhogArthamanyAyenArthasaMchayAn.h .16-12.

idamadya mayA labdhamimaM prApsye manoratham.h .
idamastIdamapi me bhaviShyati punardhanam.h .16-13.

asau mayA hataH shatrurhaniShye chAparAnapi .
Ishvaro.ahamahaM bhogI siddho.ahaM balavAnsukhI .16-14.

ADhyo.abhijanavAnasmi ko.anyosti sadR^isho mayA .
yaxye dAsyAmi modiShya ityaGYAnavimohitAH .16-15.

anekachittavibhrAntA mohajAlasamAvR^itAH .
prasak{}tAH kAmabhogeShu patanti narake.ashuchau .16-16.

AtmasaMbhAvitAH stabdhA dhanamAnamadAnvitAH .
yajante nAmayaGYaiste dambhenAvidhipUrvakam.h .16-17.

ahaMkAraM balaM darpaM kAmaM krodhaM cha saMshritAH .
mAmAtmaparadeheShu pradviShanto.abhyasUyakAH .16-18.

tAnahaM dviShataH krurAnsaMsAreShu narAdhamAn.h .
xipAmyajasramashubhAnAsurIShveva yoniShu .16-19.

AsurIM yonimApannA mUDhA janmanijanmani .
mAmaprApyaiva kaunteya tato yAntyadhamAM gatim.h .16-20.

trividhaM narakasyedaM dvAraM nAshanamAtmanaH .
kAmaH krodhastathA lobhastasmAdetattrayaM tyajet.h .16-21.

etairvimuk{}taH kaunteya tamodvAraistribhirnaraH .
AcharatyAtmanaH shreyastato yAti parAM gatim.h .16-22.

yaH shAstravidhimutsR^ijya vartate kAmakArataH .
na sa siddhimavAp{}noti na sukhaM na parAM gatim.h .16-23.

tasmAch{}chhAstraM pramANaM te kAryAkAryavyavasthitau .
GYAtvA shAstravidhAnok{}taM karma kartumihArhasi .16-24.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
daivAsurasaMpadvibhAgayogo nAma ShoDasho.adhyAyaH .16.

\vspace{.0in} \hrule \vspace{.0in}
%17

atha sap{}tadasho.adhyAyaH.  (shraddhAtrayavibhAgayogaH)

arjuna uvAcha .

ye shAstravidhimutsR^ijya yajante shraddhayAnvitAH .
teShAM niShThA tu kA kR^iShNa sattvamAho rajastamaH .17-1.

shrIbhagavAnuvAcha .

trividhA bhavati shraddhA dehinAM sA svabhAvajA .
sAttvikI rAjasI chaiva tAmasI cheti tAM shR^iNu .17-2.

sattvAnurUpA sarvasya shraddhA bhavati bhArata .
shraddhAmayo.ayaM puruSho yo yach{}chhraddhaH sa eva saH .17-3.

yajante sAttvikA devAnyaxaraxAMsi rAjasAH .
pretAnbhUtagaNAMshchAnye yajante tAmasA janAH .17-4.

ashAstravihitaM ghoraM tapyante ye tapo janAH .
dambhAhaMkArasaMyuk{}tAH kAmarAgabalAnvitAH .17-5.

karShayantaH sharIrasthaM bhUtagrAmamachetasaH .
mAM chaivAntaHsharIrasthaM tAnvid.hdhyAsuranishchayAn.h .17-6.

AhArastvapi sarvasya trividho bhavati priyaH .
yaGYastapastathA dAnaM teShAM bhedamimaM shR^iNu .17-7.

AyuHsattvabalArogyasukhaprItivivardhanAH .
rasyAH s{}nigdhAH sthirA hR^idyA AhArAH sAttvikapriyAH .17-8.

kaT.hvam{}lalavaNAtyuShNatIxNarUxavidAhinaH .
AhArA rAjasasyeShTA duHkhashokAmayapradAH .17-9.

yAtayAmaM gatarasaM pUti paryuShitaM cha yat.h .
uch{}chhiShTamapi chAmedhyaM bhojanaM tAmasapriyam.h .17-10.

aphalAN^xibhiryaGYo vidhidR^iShTo ya ijyate .
yaShTavyameveti manaH samAdhAya sa sAttvikaH .17-11.

abhisaMdhAya tu phalaM dambhArthamapi chaiva yat.h .
ijyate bharatashreShTha taM yaGYaM viddhi rAjasam.h .17-12.

vidhihInamasR^iShTAnnaM mantrahInamadaxiNam.h .
shraddhAvirahitaM yaGYaM tAmasaM parichaxate .17-13.

devadvijaguruprAGYapUjanaM shauchamArjavam.h .
brahmacharyamahiMsA cha shArIraM tapa uchyate .17-14.

anudvegakaraM vAk{}yaM satyaM priyahitaM cha yat.h .
svAdhyAyAbhyasanaM chaiva vAN^mayaM tapa uchyate .17-15.

manaH prasAdaH saumyatvaM maunamAtmavinigrahaH .
bhAvasaMshuddhirityetattapo mAnasamuchyate .17-16.

shraddhayA parayA tap{}taM tapastattrividhaM naraiH .
aphalAkAN^xibhiryuk{}taiH sAttvikaM parichaxate .17-17.

satkAramAnapUjArthaM tapo dambhena chaiva yat.h .
kriyate tadiha prok{}taM rAjasaM chalamadhruvam.h .17-18.

mUDhagrAheNAtmano yatpIDayA kriyate tapaH .
parasyotsAdanArthaM vA tattAmasamudAhR^itam.h .17-19.

dAtavyamiti yaddAnaM dIyate.anupakAriNe .
deshe kAle cha pAtre cha taddAnaM sAttvikaM smR^itam.h .17-20.

yattu prattyupakArArthaM phalamuddishya vA punaH .
dIyate cha parik{}liShTaM taddAnaM rAjasaM smR^itam.h .17-21.

adeshakAle yaddAnamapAtrebhyashcha dIyate .
asatkR^itamavaGYAtaM tattAmasamudAhR^itam.h .17-22.

AUM{}tatsaditi nirdesho brahmaNastrividhaH smR^itaH .
brAhmaNAstena vedAshcha yaGYAshcha vihitAH purA .17-23.

tasmAdomityudAhR^itya yaGYadAnatapaHkriyAH .
pravartante vidhAnok{}tAH satataM brahmavAdinAm.h .17-24.

tadityanabhisaMdhAya phalaM yaGYatapaHkriyAH .
dAnakriyAshcha vividhAH kriyante moxakAN^xibhiH .17-25.

sadbhAve sAdhubhAve cha sadityetatprayujyate .
prashaste karmaNi tathA sach{}chhabdaH pArtha yujyate .17-26.

yaGYe tapasi dAne cha sthitiH saditi chochyate .
karma chaiva tadarthIyaM sadityevAbhidhIyate .17-27.

ashraddhayA hutaM dattaM tapastap{}taM kR^itaM cha yat.h .
asadityuchyate pArtha na cha tatprepya no iha .17-28.


AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
shraddhAtrayavibhAgayogo nAma sap{}tadasho.adhyAyaH .17.

\vspace{.0in} \hrule \vspace{.0in}
%18

athAShTAdasho.adhyAyaH.  (moxasaMnyAsayogaH)

arjuna uvAcha .

saMnyAsasya mahAbAho tattvamich{}chhAmi veditum.h .
tyAgasya cha hR^iShIkesha pR^ithak{}keshiniShUdana .18-1.

shrIbhagavAnuvAcha .

kAmyAnAM karmaNAM nyAsaM saMnyAsaM kavayo viduH .
sarvakarmaphalatyAgaM prAhustyAgaM vichaxaNAH .18-2.

tyAjyaM doShavadityeke karma prAhurmanIShiNaH .
yaGYadAnatapaHkarma na tyAjyamiti chApare .18-3.

nishchayaM shR^iNu me tatra tyAge bharatasattama .
tyAgo hi puruShavyAghra trividhaH samprakIrtitaH .18-4.

yaGYadAnatapaHkarma na tyAjyaM kAryameva tat.h .
yaGYo dAnaM tapashchaiva pAvanAni manIShiNAm.h .18-5.

etAnyapi tu karmANi saN^gaM tyak{}tvA phalAni cha .
kartavyAnIti me pArtha nishchitaM matamuttamam.h .18-6.

niyatasya tu saMnyAsaH karmaNo nopapadyate .
mohAttasya parityAgastAmasaH parikIrtitaH .18-7.

duHkhamityeva yatkarma kAyak{}leshabhayAttyajet.h .
sa kR^itvA rAjasaM tyAgaM naiva tyAgaphalaM labhet.h .18-8.

kAryamityeva yatkarma niyataM kriyate.arjuna .
saN^gaM tyak{}tvA phalaM chaiva sa tyAgaH sAttviko mataH .18-9.

na dveSh{}TyakushalaM karma kushale nAnuShaj{}jate .
tyAgI sattvasamAviShTo medhAvI chhinnasaMshayaH .18-10.

na hi dehabhR^itA shak{}yaM tyak{}tuM karmANyasheShataH .
yastu karmaphalatyAgI sa tyAgItyabhidhIyate .18-11.

aniShTamiShTaM mishraM cha trividhaM karmaNaH phalam.h .
bhavatyatyAginAM pretya na tu saMnyAsinAM k{}vachit.h .18-12.

paMchaitAni mahAbAho kAraNAni nibodha me .
sAN^khye kR^itAnte prok{}tAni siddhaye sarvakarmaNAm.h .18-13.

adhiShThAnaM tathA kartA karaNaM cha pR^ithagvidham.h .
vividhAshcha pR^ithakcheShTA daivaM chaivAtra paMchamam.h .18-14.

sharIravAN^manobhiryatkarma prArabhate naraH .
nyAyyaM vA viparItaM vA paMchaite tasya hetavaH .18-15.

tatraivaM sati kartAramAtmAnaM kevalaM tu yaH .
pashyatyakR^itabuddhitvAnna sa pashyati durmatiH .18-16.

yasya nAhaMkR^ito bhAvo buddhiryasya na lipyate .
hatvA.api sa imA.Nl{}lokAnna hanti na nibadhyate .18-17.

GYAnaM GYeyaM pariGYAtA trividhA karmachodanA .
karaNaM karma karteti trividhaH karmasaMgrahaH .18-18.

GYAnaM karma cha kartAcha tridhaiva guNabhedataH .
prochyate guNasaN^khyAne yathAvach{}chhR^iNu tAnyapi .18-19.

sarvabhUteShu yenaikaM bhAvamavyayamIxate .
avibhak{}taM vibhak{}teShu tajGYAnaM viddhi sAttvikam.h .18-20.

pR^ithak{}tvena tu yajGYAnaM nAnAbhAvAnpR^ithagvidhAn.h .
vetti sarveShu bhUteShu tajGYAnaM viddhi rAjasam.h .18-21.

yattu kR^its{}navadekasminkArye sak{}tamahaitukam.h .
atattvArthavadal{}paM cha tattAmasamudAhR^itam.h .18-22.

niyataM saN^garahitamarAgadveShataH kR^itam.h .
aphalaprepsunA karma yattatsAttvikamuchyate .18-23.

yattu kAmepsunA karma sAhaMkAreNa vA punaH .
kriyate bahulAyAsaM tadrAjasamudAhR^itam.h .18-24.

anubandhaM xayaM hiMsAmanapexya cha pauruSham.h .
mohAdArabhyate karma yattattAmasamuchyate .18-25.

muk{}tasaN^go.anahaMvAdI dhR^ityutsAhasamanvitaH .
sid.hdhyasid.hdhyornirvikAraH kartA sAttvika uchyate .18-26.

rAgI karmaphalaprepsurlubdho hiMsAtmako.ashuchiH .
harShashokAnvitaH kartA rAjasaH parikIrtitaH .18-27.

ayuk{}taH prAkR^itaH stabdhaH shaTho naiShkR^itiko.alasaH .
viShAdI dIrghasUtrI cha kartA tAmasa uchyate .18-28.

buddherbhedaM dhR^iteshchaiva guNatastrividhaM shR^iNu .
prochyamAnamasheSheNa pR^ithak{}tvena dhanaMjaya .18-29.

pravR^ittiM cha nivR^ittiM cha kAryAkArye bhayAbhaye .
bandhaM moxaM cha yA vetti buddhiH sA pArtha sAttvikI .18-30.

yayA dharmamadharmaM cha kAryaM chAkAryameva cha .
ayathAvatprajAnAti buddhiH sA pArtha rAjasI .18-31.

adharmaM dharmamiti yA manyate tamasAvR^itA .
sarvArthAnviparItAMshcha buddhiH sA pArtha tAmasI .18-32.

dhR^ityA yayA dhArayate manaHprANendriyakriyAH .
yogenAvyabhichAriNyA dhR^itiH sA pArtha sAttvikI .18-33.

yayA tu dharmakAmArthAndhR^ityA dhArayate.arjuna .
prasaN^gena phalAkAN^xI dhR^itiH sA pArtha rAjasI .18-34.

yayA svap{}naM bhayaM shokaM viShAdaM madameva cha .
na vimuMchati durmedhA dhR^itiH sA pArtha tAmasI .18-35.

sukhaM tvidAnIM trividhaM shR^iNu me bharatarShabha .
abhyAsAdramate yatra duHkhAntaM cha nigach{}chhati .18-36.

yattadagre viShamiva pariNAme.amR^itopamam.h .
tatsukhaM sAttvikaM prok{}tamAtmabuddhiprasAdajam.h .18-37.

viShayendriyasaMyogAdyattadagre.amR^itopamam.h .
pariNAme viShamiva tatsukhaM rAjasaM smR^itam.h .18-38.

yadagre chAnubandhe cha sukhaM mohanamAtmanaH .
nidrAlasyapramAdotthaM tattAmasamudAhR^itam.h .18-39.

na tadasti pR^ithivyAM vA divi deveShu vA punaH .
sattvaM prakR^itijairmuk{}taM yadebhiH syAttribhirguNaiH .18-40.

brAhmaNaxatriyavishAM shUdrANAM cha paraMtapa .
karmANi pravibhak{}tAni svabhAvaprabhavairguNaiH .18-41.

shamo damastapaH shauchaM xAntirArjavameva cha .
GYAnaM viGYAnamAstik{}yaM brahmakarma svabhAvajam.h .18-42.

shauryaM tejo dhR^itirdAxyaM yuddhe chApyapalAyanam.h .
dAnamIshvarabhAvashcha xAtraM karma svabhAvajam.h .18-43.

kR^iShigauraxyavANijyaM vaishyakarma svabhAvajam.h .
paricharyAtmakaM karma shUdrasyApi svabhAvajam.h .18-44.

sve sve karmaNyabhirataH saMsiddhiM labhate naraH .
svakarmanirataH siddhiM yathA vindati tach{}chhR^iNu .18-45.

yataH pravR^ittirbhUtAnAM yena sarvamidaM tatam.h .
svakarmaNA tamabhyarchya siddhiM vindati mAnavaH .18-46.

shreyAnsvadharmo viguNaH paradharmAtsvanuShThitAt.h .
svabhAvaniyataM karma kurvannAp{}noti kilbiSham.h .18-47.

sahajaM karma kaunteya sadoShamapi na tyajet.h .
sarvArambhA hi doSheNa dhUmenAgnirivAvR^itAH .18-48.

asak{}tabuddhiH sarvatra jitAtmA vigataspR^ihaH .
naiShkarmyasiddhiM paramAM saMnyAsenAdhigach{}chhati .18-49.

siddhiM prAp{}to yathA brahma tathAp{}noti nibodha me .
samAsenaiva kaunteya niShThA GYAnasya yA parA .18-50.

bud.hdhyA vishuddhayA yuk{}to dhR^ityAtmAnaM niyamya cha .
shabdAdInviShayAMstyak{}tvA rAgadveShau vyudasya cha .18-51.

vivik{}tasevI laghvAshI yatavAk{}kAyamAnasaH .
dhyAnayogaparo nityaM vairAgyaM samupAshritaH .18-52.

ahaMkAraM balaM darpaM kAmaM krodhaM parigraham.h .
vimuchya nirmamaH shAnto brahmabhUyAya kal{}pate .18-53.

brahmabhUtaH prasannAtmA na shochati na kAN^xati .
samaH sarveShu bhUteShu madbhak{}tiM labhate parAm.h .18-54.

bhak{}tyA mAmabhijAnAti yAvAnyashchAsmi tattvataH .
tato mAM tattvato GYAtvA vishate tadanaMtaram.h .18-55.

sarvakarmANyapi sadA kurvANo mad.hvyapAshrayaH .
matprasAdAdavAp{}noti shAshvataM padamavyayam.h .18-56.

chetasA sarvakarmANi mayi saMnyasya matparaH .
buddhiyogamupAshritya mach{}chittaH satataM bhava .18-57.

mach{}chittaH sarvadurgANi matprasAdAttariShyasi .
atha chettvamahaMkArAnna shroShyasi vinaN^xyasi .18-58.

yadahaMkAramAshritya na yotsya iti manyase .
mithyaiSha vyavasAyaste prakR^itistvAM niyoxyati .18-59.

svabhAvajena kaunteya nibaddhaH svena karmaNA .
kartuM nech{}chhasi yanmohAtkariShyasyavashopi tat.h .18-60.

IshvaraH sarvabhUtAnAM hR^iddeshe.arjuna tiShThati .
bhrAmayansarvabhUtAni yantrArUDhAni mAyayA .18-61.

tameva sharaNaM gach{}chha sarvabhAvena bhArata .
tatprasAdAtparAM shAntiM sthAnaM prApsyasi shAshvatam.h .18-62.

iti te GYAnamAkhyAtaM guhyAd.hguhyataraM mayA .
vimR^ishyaitadasheSheNa yathech{}chhasi tathA kuru .18-63.

sarvaguhyatamaM bhUyaH shR^iNu me paramaM vachaH .
iShTo.asi me dR^iDhamiti tato vaxyAmi te hitam.h .18-64.

manmanA bhava madbhak{}to madyAjI mAM namaskuru .
mAmevaiShyasi satyaM te pratijAne priyo.asi me .18-65.

sarvadharmAnparityajya mAmekaM sharaNaM vraja .
ahaM tvAM sarvapApebhyo moxyayiShyAmi mA shuchaH .18-66.

idaM te nAtapaskAya nAbhak{}tAya kadAchana .
na chAshushrUShave vAchyaM na cha mAM yo.abhyasUyati .18-67.

ya idaM paramaM guhyaM madbhak{}teShvabhidhAsyati .
bhak{}tiM mayi parAM kR^itvA mAmevaiShyatyasaMshayaH .18-68.

na cha tasmAnmanuShyeShu kashchinme priyakR^ittamaH .
bhavitA na cha me tasmAdanyaH priyataro bhuvi .18-69.

adhyeShyate cha ya imaM dharmyaM saMvAdamAvayoH .
GYAnayaGYena tenAhamiShTaH syAmiti me matiH .18-70.

shraddhAvAnanasUyashcha shR^iNuyAdapi yo naraH .
so.api muk{}taH shubhA.Nl{}lokAnprAp{}nuyAtpuNyakarmaNAm.h .18-71.

kach{}chidetach{}chhrutaM pArtha tvayaikAgreNa chetasA .
kach{}chidaGYAnasaMmohaH pranaShTaste dhanaMjaya .18-72.

arjuna uvAcha .

naShTo mohaH smR^itirlabdhA tvatprasAdAnmayA.achyuta .
sthito.asmi gatasaMdehaH kariShye vachanaM tava .18-73.

saMjaya uvAcha .

ityahaM vAsudevasya pArthasya cha mahAtmanaH .
saMvAdamimamashrauShamadbhutaM romaharShaNam.h .18-74.

vyAsaprasAdAch{}chhrutavAnetadguhyamahaM param.h .
yogaM yogeshvarAtkR^iShNAtsAxAtkathayataH svayam.h .18-75.

rAjansaMsmR^itya saMsmR^itya saMvAdamimamadbhutam.h .
keshavArjunayoH puNyaM hR^iShyAmi cha muhurmuhuH .18-76.

tach{}cha saMsmR^itya saMsmR^itya rUpamatyadbhutaM hareH .
vismayo me mahAn{}rAjanhR^iShyAmi cha punaH punaH .18-77.

yatra yogeshvaraH kR^iShNo yatra pArtho dhanurdharaH .
tatra shrIrvijayo bhUtirdhruvA nItirmatirmama .18-78.

AUM tatsaditi shrImad.h bhagavad.hgItAsUpaniShatsu
brahmavidyAyAM yogashAstre shrIkR^iShNArjunasaMvAde
moxasaMnyAsayogo nAma aShTAdasho.adhyAyaH .18.